Ji bo dayika Zeynep Cansiz a dayika yek ji pêşengên PKKê Sakîne Cansizê li Cemê ya Evka 2 ya Îzmîrê merasîma cenazeyê hat lidarxistin. Cenaze piştî merasîmê, ji bo li Dêrsimê were veşartin, şandin Belefirgeha Adnan Menderesê
Dayika yek ji pêşengên PKKê Sakîne Cansizê, Zeynep Cansiz îro serê sibê li nexweşxaneya lê dihat dermankirin jiyana xwe ji dest da. Dayikên Aştiyê, Aktîvîstên Tevgera Jinên Azad (TJA) Parlamentera Îzmîrê ya DEM Partiyê Burcugul Çubuk, rêveberên partiyên siyasî, nûnerên rêxistinên civakî û gelek welatî tevlî merasîmê cenazeyê bûn.
Di merasîma cenazeyê de Dayika Aştiyê Peyrûze Kurt axivî û got ku “Em çi bejin jî ev êşa ku em dijîn em nikarin bînin ziman. Dayika Zeynepê dayîka pêşenga me Sakîne Cansizê bû. Di saya ked û îradeya Sakînêyê, ku di girtîgehên Amedê de nîşan da, îro pêşiya jinên Kurd vebû. Dayîka Sakîneyê heya nefesa xwe ya dawî jî aştî xwest. Lê bêyî ku aştiyê bibîne çavê xwe girtin. Em dixwazin vê bibejin ji bo dayika Zeynep. Silavê me li dayik û şehîdên me yên ku di oxira vê rêyê de jiyana xwe ji dest dane bike. Em soz didin te, aştiya ku te nedît em ê bînin. Heya aştî were lî vî welatê em ê têbikoşin.”
Merasîma cenazeye bi lorîn û gotina beytan bi dawî bû.
Jinan cenazeyê Zeynep Cansizê li ser milên xwe hilgirtin û ji bo li Dêrsimê were veşartin birin Balefirgeha Adnan Menderes.
