Şerê di navbera Amerîka-Îsraîlê û Îranê berdewam dike. Şerê li Lubnanê di navbera Îsraîl û Hizbûllahê de dom dike eniya herî pêş a şerê li dijî Îranê ye.
Serokwezîrê Îsraîlê Benjamîn Netanyahu derbarê dagirkirina Libnanê de daxuyanî da. Benjamîn Netanyahû anî ziman ku dê qada şer bê firehkirin. Hêzên Hizbullahê jî hem bejahî û hem jî bi dironan bênavber êrişên xwe yên li dijî Îranê didomînin. Îsraîl şerê li dijî Hizbullahê wek eniya herî li pêş ya şerê li dijî Îranê dibîne û bi wê hişmendiyê giraniya xwe dide ser şerê li Libanê ya li dijî Hizbullahê.
Netanyahu ji bo berfirehkirina Lubnane ferman artêşê
Serokwezîrê Îsraîlê Benjamin Netanyahu duh bi daxuyaniyeke dîmenkî ragihand ku ew ferman daye artêşê ku dagirkirina başûrê Libnanê hîn zêdetir berfireh bikin.
Hizbullah: Êrîşên li dijî Îsraîlê me pêk anî
Hizbulahê ragihand ku hêzên wan êrîşeke bi moşek li herêma Ghajarê ya Dovev a Îsraîlê kirine diyar kir ku bi hejmareke zêde ya dironan êrişî baregeha leşkerî ya Shomera ya bakurê Îsraîlê kirine. Televîzyona Kanal 12 ya Îsraîlê ragihand ku pênc moşekên ji Libnanê ber bi Hayfayê ve hatibûn avêtin hatine astengkirin û herwiha droneke ku ber bi Şerîaya Rojava ve hatibû avetin jî hatiye xistin.
Wezareta Endonezyayê: Li Libnanê leşkerê Endonezî yê NYê hat kuştin
Endonezyayê ragihand ku leşkerekî welatiyê wan yê Hêza Aştiyê ya Neteweyên Yekbûyî yê li Libnanê (UNIFIL) li ser erkê bû hatiye kuştin û sê leşkerên din yên Endonezî jî birîndar bûne. Wezareta Karên Derve ya Endonezyayê ragihand ku qurbanî ji ber êrişa topê ya nerasterast ya li nêzî pozîsyona yekîneya UNIFILê ketiye hatiye kuştin. Di vê teqîna li derdora Adchit Al Qusayrê çêbûye de leşkereke Endonezî hat kuştin û 3 leşker jî birîndar bûne.
Wezaretê êriş şermezar kir, banga lêpirsîneke berfireh û zelal kir û diyar kir ku herkes ji ewlehî û parastina aştîparêzên NYê re rêzdar bin. UNIFIL li başûrê Libnanê ji bo çavdêriya pevçûnên li ser sînorê Îsraîlê dixebite.
Îsraîl: Me bi hejmareke zêde moşekên Îranê xistin
Artêşa Îsraîlê ragihand ku wan bi hejmareke zêde moşekên balîstîk yên Îranê yên ber bi başûrê Îsraîlê ve hatibûn avêtin tespît kir û ji bo parastina gel li heremê sîrenan xistin dewrê. Di daxuyaniyê de hat gotin ku pargalên parastina hewayî moşekan asteng kirine û li başûrê Îsraîlê û herêmên başûr yên Şerîaya Rojava hişyariyên ewlehiyê hatine ragihandin. Televîzyona El Cezîreyê jî ragihand ku artêşa Îsraîlê pênc roketên ku ber bi Hayfa ve hatibûn avêtin, asteng kirine. Îsraîlê ragihandibû ku du balafirên bêmirov ên ku ji aliyê milîsên Hûsî ve ji Yemenê hatibûn avêtin, xistine.
Artêşa Îsraîlê: Me li binesaziyên li Têhranê xist
Artêşa Îsraîlê îro bi daxuyaniyekê ragihand ku hêzên wan wekî beşek ji kampanyayeke berfireh ya ku cihên sereke yên li paytext Tehran a Îranê kirine hedef û hêzên wan duh û îro li seranserê Têhranê li tesîsên binesaziya hikûmeta Îranê xistine.
Li gorî ajansa nûçeyan ya Fars ya Îranê tevî bajarê Rey yê başûrê Tehranê li gelek deveran teqîn çêbûne. Di hefteyên dawî de êrîşên li ser Tehranê zêde bûne, û rayedarên Îsraîlê dibêjin ku ew binesaziya leşkerî û stratejîk dikin hedef.
