Mûstafa Karatepe ku bi nexweşê penceşêrê ketibû, piştî 30 salan girtî ma, di 6ê çileya 2025an de ji Girtîgeha Tîpa F a Sîncan a Enqereyê derket. Mûstafa Karatepe ku li nexweşxaneyê dihat dermankirin jiyana xwe ji dest da.
Mûstafa Karatepe (70) ku nexweşê penceşêrê ye û li Girtîgeha tîpa F a Sîncan a Enqereyê dihat ragirtin, piştî 30 salan hate berdan. Mûstafa Karatepe, di 14ê Çileya 1995an de li Îzmîrê hate binçavkirin û Dadgeha Ewlekariya Dewletê (DGM) bi îdiaya “Xerakirina yekitî û yekparetiya dewletê” cezayê îdamê lê birî. Piştre cezayê wî veguherandin cezayê muebbetê. Mûstafa Karatepe, di 6ê Çileya 2025an de hat berdan. Piştî hat berdan ji ber nexweşiya pençeşêrê demek dirêj li nexweşxaneyê dihat dermankirin. Mûstafa Karatepe li nexweşxaneya ku lê dihat dermankirin jiyana xwe ji dest da. Tê payîn ku cenazeyê Mûstafa Karatepe li Bismilê defin bikin.
