2yemîn Konferansa Jenosîda Kurd a li Silêmaniyê bidawî bû. Di konferansê de bal hate kişandina li ser girîngiya naskirina jenosîdên li dijî gelê Kurd di qada navnetewî de û kesayetên di vî warî de xebat dane meşandin hatin xelatkirin.
2yemîn Konferansa Jenosîda Kurd a li Silêmaniyê a bi navê “Zanista Navnetewî ya Jenosîda Kurd” di roja xwe ya duyemîn de, bi pêşkêşkirina çend panelên li ser rola wêje û medyayê di jenosîda Kurdan de bi zimanên kurdî, erebî û dayîna xelatan bidawî bû.
Di penalek a konferansê de, li ser rola medyayê bi hemû şêweyên wê di mijarên neteweyî de, bi taybetî jî di mijara qirkirinê de, nîqaş hat kirin. Her wiha tekez hat kirin ku erkê medyayê ye ku qirkirina li dijî gelê kurd ji raya giştî û cîhanê re bide nasîn, ji ber ku ev yek dê lihevkirin û helwestekê yekdengî bafirîne.
Her wiha di panele de bal hat kişandina ser qirkirinên li dijî gelê kurd yên di dîrokê de ku li her çar parçeyên Kurdistanê pêk hatine ku di nav wan de qirkirina Enfal, Helebçe, gelê Zîlan û Dêrsimê hene. Ev komkujî ji aliyê dewletên Tirk û rejîma Bees a Iraqê ve li dijî gelê kurd hatine kirin. hate gotin ku van dewletan tenê ji berk u Kurd bûn ev komkujî pêk anîn.
Di dawiyê de, Xelatên Zêrîn ji çar kesayetiyên ku di warên cûda de, bi taybetî di warê qirkirin û çanda Kurdî de xizmet kirine re hatin dayîn. Xelat dan nivîskar û akademîsyen Dr. Mehmûd Zayîd, jina Êzidî ya rizgarbûyiya ji çeteyên DAIŞê Îman Ebdullah, hunermend Serbest Ehmed û wênekêş Ekbe Muhsîn.
Herî dawî Piştre Wezîrê Çandê yê Herêma Kurdistanê, axaftinek kir û spasiya xwe ji tevayî beşdarên konferansê re pêşker kir.
