Yewnanistan ku hêza xwe ya leşkerî ya li deryaya Ege û rojhilatê Deryaya Spî zêde dike, piştî moşekên SPIKE yên Îsraîlê niha jî yekemîn keştiya şer a bi navê Belhara F-601 ji Fransayê teslîm girt.
Rikeberiya Tirkiye û Yewnanistanê ya li deryaya Ege û rojhilatê deryaya Spî bi hemleyên nû berdewam dike. Yewnanistanê ku di çarçoveya peymanek ewlehiyê de pergala çekên şer a bi navê SPIKE ji Îsraîlê kirî û li giravên Egeyê bi cih kir, niha jî keştiyên şer ji Fransayê kirîn.
Wezîrê Parastinê yê Yewanistanê Nîkos Dandîas yekemîn keştiya şer ya bi navê Belharra F-601 teslîm girt. Di çapemeniya Yewnan de ev yek wekî serdemek nû ya artêşa Yewnan hate nirxandin û şîroveyên wiha hate kirin: “Bi kirîna keştiyên şer ên bi navê Belharra artêşa Helenîzmê digihe hêzek ku di dîrokê de hîç negihiştiye. Her wiha çapemeniya Helen destnîşan kir ku dê bi fîloya keştiyên şer binesaziya şer a Yewnan li dijî balefirên dijminan û moşekên balîstik biparêze. Her wiha li gorî agahiyan dê Radara Sea Fîre 500 û Moşekên Aster 30 ên parastina hewayî li keştiyan bên barkirin.”
