Yewnanistan moşekên ji Îsraîlê kirîn ên bi navê SPIKE li herêma Evros û giravên rojhilatê Egeyê bi cih dike. Çav li rê ye ku heta havîna pêşiya me pergala SPIKE bigihîje asta operasyonel.
Dubendî û rikeberiya di navbera Tirkiye û Yewnanistan-Qibrisê de bi tevlêbûna Îsraîlê derket asta herî jor. Tifaqa li Ege û rojhilatê Deryaya Egeyê di navbera Yewnanistan, Îsraîl û Qibrisê li ser çavkaniyên binav ên deryayî pêk hatî hindî diçe vedigere tifaqek leşkerî ya dijberî Tirkiyeyê. Di vê çarçoveyê de meha borî tifaqê ragihandibû ku di aliyê pergalên sektora şer de jî peymanên nû çêkirine û Yewnanistanê çekên parastin û êrîşê yên bi navê SPIKE kirîne. Piştî vê nûçeyê îro Yewnanistanê ragihand ku pergala SPIKE li herêma Evros û giravên rojhilatê Egeyê ku dikeve ser sînorê peravî yê Tirkiyeyê bi cih dike. Pergala moşekên SPIKE ku heta 30 kîlometre hikmê wê heye, li hemberî hemû hedefên zirhî yên bejahî, hedefên di asta helîkopterên naqliye û taarûzê, navendên biryargeh û lojîstîkê bi bandor e.
Yewnanistan kapasîteya leşkerî zêde dike
Rojnameya Kathîmerînî moşekên SPIKE di demek şerek de dikarin hêj keştiyên şer nêzîk peravê nebûyî ji holê rake. Her wiha hate daxuyandin ku perwerdehiya moşek û hemû alavên şer ên di çarçoveya pergala SPIKE de ji hêla Îsraîlê ve tê dayîn. Çav li rê ye ku ev pergal di demek kin de bi tedbîqatek berfireh bê ceribandin. Li gorî pisporên ewlehiyê Îsraîl hewil dide bi Yewnanistan û Qibrisê re li rojhilatê Deryaya Egeyê serweriya xwe bide avakirin û qabiliyeta tevgerê ya Tirkiyeyê bi sînor bike. Pispor dibêjin li gorî vê siyasetê bandora Tirkiyeyê ya li Sûriyê jî wê bi awayekê bê qels kirin.
Hêza leşkerî ya hevpar ava kirin
Li gorî Kan Newsê jî Yewnanistan, Qibris û Îsraîlê hevkariya xwe derxistiye asta avakirina hêzek hevpar a leşkerî. Hate daxuyandin ku bi navê Hêza Destwerdana Lezgîn a di asta tûgayê de hatiye avakirin. Li gorî nûçeyê tê payîn ku hejmara tûgayê 1000 ji Îsraîlê, hezar ji Yewnanistanê û 500 jî ji Qibrisê bi giştî yekîneyek ji 2 hezar 500 leşkeran pêk tê, bê avakirin. Di nûçeyê de wiha hate gotin: “Çav li rê ye ku ev yekîne bikaribe binesaziya Hêzên Hewa û Deryayî yên li giravên Kerpe û Rodosê jî bikar bîne. Ev hêz di heman demê de dê xetên boriyên enerjiyê û qabloyên ceyranê yên binavê jî biparêze.
Rojihaltê Deryaya Spî û Ege vala nayê hiştin
Pisporê Îsraîlî Shaî Gal diyar kir ku ev hêz ne li dijî dewletê lê ji bo dagirtine valahiyel stratejîk hatiye avakirin. Gal anî ziman ku li deverek Tirkiye mîna, “Welatê Şîn” bi nav dike platform û boriyên enerjiyê, qabloyên ceyranê bêparastin in û ne ev yek tê qebûlkirin û ne jî destûr tê dayîn ku hind dewlet bi xerîteyên nû rojhilatê Deryaya Spî û Egeyê bi rê ve bibin. Di nûçeyê de hate daxuyandin ku Serfermandarê Hêzên Hewayî yê Îsraîlê Tomer Bar, rayedarên payebilind ên Yewnanistan û Qibrisê ji bo vê mijarê hatin cem hev û hevkarî nixandin.
