Li gorî rojnameya Wall Street Journal (WSJ) Serokê Dewletên Yekbûyî yên Amerîkayê (DYA) Donald Trump ji bo fetisandina aboriya Îranê, dorpêçeke demdirêj dixwaze bisepîne.
Li gorî nûçeya Wall Street Journal ku agahiyên xwe dispêre rayedarên DYAyî, Donald Trump ji fetisandina aboriya Îranê û mecbûrhiştina destberdana ji bernameya nukleerî, ji şêwirmendên xwe xwest ku dorpêçeke demdirêj a li ser Îranê bidin domandin.
Di civînê dawî de li şûna jinûve destpêkirina êrişên hewayî ku bêhtir bi rîsk e, Qesra Spî dorpêça deryayî ya li hemberî bazirganiya petrolê ya Îranê tercîh kiriye.
Lê belê li gorî pisporan ev stratejî qonaxeke nû ya têkoşîna hêzê jî be zextê li ser aboriya cîhanê dike, buhayê enerjiyê zêde dike û bi nêzîkbûna hilbijartinên dema navberê re ji aliyê siyasî ve Trump lawaz dike.
Trump: Êdî zilamê ‘baş’ nîn e
Serokê DYE’yê Donald Trump li ser platforma xwe ya medya dîjîtal Truth Socialê wêneyekî xwe parve kir ku li ber cihekî ji bombardûmanê wêran bûye, di dest de çek û li ber çav jî berçavka pîlot heye parvekirinek kir û wiha got: “Îran nikare xwe komî ser hev bike. Nizanin bê wê çawa peymanê mohr bikin. Eger zû bi ser xwe ve bê wê baş be.” Trump li ser wêneya xwe ya ji hêla hişê çêkirî ve hate amadekirin “Êdî zilamê baş nîne” nivîsî.
Îran: Ji bo me şer berdewam e
Tûggeneralê Îranî Ekremî-Nîa jî ji ajansa nûçeyan a Îranê axivî û wiha got: “Em nahesibînin ku şer bi dawî bûye. “Me alav û amûrên xwe hilberand, nû kir. Ji ber vê jî ji bo me rewşa şer hîn jî dewam dike.”
