Wan – Welatiyên Wanî ku têkildarî qanûna çarçoveyî ya ‘Xurtkirina hevgirtina neteweyî û yekparebûna civakî’ axivîn, bal kişandin ser hêmana wekhevî û azadiyê û xwestin di serî de Rêberê Gelê Kurd Abdullah Ocalan, hemû girtiyên siyasî bên berdan.
Bi bangawaziya Rêberê Gelê Kurd Abdullah Ocalan a 27ê Sibata 2025an li Kurdistan û Tirkiyeyê pêvajoya ‘Aştî û Civaka Demokratîk’ dest pê kir. Di çarçoveya pêvajoyê de qanûna çarçoveyî ya ‘Xurtkirina hevgirtina neteweyî û yekparebûna civakî’ di 5ê Tebaxê de bi 367 îmzayên parlamenteran ji Serokiya Meclisê re hatibû şandin û di Komîsyona Dadê de jî derbas bû. Tê payîn ku di 11ê tebaxê de qanûn di meclisê de bê pesendkirin.
Welatiyên Wanî ku derbarê qanûnê de pirsên ajansa me bersivandin, bal kişandin ser naveroka qanûnê û diyar kirin ku divê di qanûnê de cudakarî tune be. Welatiyan anîn ziman ku divê di serî de Rêberê Gelê Kurd Abdullah Ocalan, hemû girtiyên siyasî di çarçoveya vê qanûnê de bên berdan û vegerin nava miletê xwe.
Welatiyan destnîşan kirin ku tevî pêşkêşkirina qanûnê jî hêj baweriya wan bi dewletê nayê û xwestin ev qanûn di piratîkê de jî bê sepandin.
Her wiha welatiyan xwestin ku êdî wekhevî û azadî bê welat û polîtîkayên qeyim jî bi dawî bibin.
