Li Şirnex û navçeyên wê civînên gel ên Aştî û Cikava Demokratîk bênavber didomin. Parlamentera Şirnexê Newroz Ûysal di civînê de axivî û wiha got: “Rêber Ocalan ronahiyek dît û derî ber bi wê ronahiyê ve vekir.”
Li taxa Gundogdu ya navenda Şirnexê, taxa Yafesê û gundê Derbacya yê Cizîrê bi tevlîbûna Parlamenterên DEM Partiyê ya Şirnex Newroz Ûysal Aslan û Zekî Îrmez Endamê Meclîsa DBPê Ahmet Îstek, hevserokên DEM Partiyê yên Şirnex, Cizîr civînên gel ên Aştî û Civaka Demokratîk pêk hatin.
Civînan bi tevilbûna sedan welatiyan û rêzgirtina ji bo cangoroyên azadiyê destpê kir. Di civînan de dîmenên Rêberê Gelê Kurd Abdullah Ocalan û merasîma şewitandina çekan a PKKê hate pêşandan.
Piştî pêşandana dîmenan Parlamenter Newroz Ûysal li civîna gel a gundê Derbacya de axivî. Ûysal bal kişand ser pêvajoya aştî û civaka demokratîk û ev tişt anîn ziman; “Reberê Gelê Kurd Abdullah Ocalan di 27ê sibatê de deriyek ji gelê Kurd re vekir. Rêber Ocalan ronahiyek dît û derî ber bi wê ronahiyê ve vekir. Ev pêvajo tenê ne li ser milê Ocalan û dewletê bi rê ve diçe. Em weke gel an em ê bibin tifaq û deriyê ronahiyê heya dawiyê vekin, an jî em ê sed sal şûnve biçin.”
Civîn bi pirsên gel û bersivandina pirsan bi dawî bûn.
