Hevserokê Giştî yê DEM Partiyê Turcer Bakirhan û heyeta pê re serdana şîna Koşuyoluyê kirin û sersaxî ji malbatên cangoriyan re xwestin.
Bi Pêşengtiya Komeleya Yekîtî Çand Piştevanî û Alîkariyê ya bi Malbatên ku di Dergûşa Şaristaniyê de Xizmên Xwe Winda Kirine re (MEBYA-DER) ya Amedê de ji bo 49 cangoriyên Tevgera Azadiyê ya Kurd ên di dîrokên cuda de jiyana xwe ji dest dane, li Parka Koşuyoluyê ya Amedê şîn hate danîn.
Şîna ku serê sibê 08:00 an de dest pê kir, didome û bi hezaran kes serdana konê şînê dike.
Hevserokê DEM Partiyê Tuncer Bakirhan û heyeta pê re jî piştî nivro serdana konê şînê kir û yek bi yek sersaxî ji malbatan re xwestin. Tûncer Bakirhan li kêleka malbatan rûnişt hestên malbatan parve kir û peyama piştevaniyê da.
