Hevserokê Giştî yê DEM Partiyê Tuncer Bakirhan, beşdarî civîna Rêveberiyên Herêmî ya li Amedê pêk hat bû û got: “Ji bo aştî pêk bê, divê Hiqûqa Xwişk û Biratiyê pêş bikeve. Divê Peymana Civakî pêk bê. Ji bo vê yekê divê qeyûman paşve bikişînin û hemû girtiyên siyasî berdin.”
Partiya Wekhevî û Demokrasiyê ya Gelan (DEM Partî), li Navenda Kongreyê ya Çand Amedê “Civîna Navberê ya Rêveberiyên Herêmî yên Demokratîk” li dar dixe. Civîn, bi dirûşma “Bi rêveberiyên herêmî yên demokratîk re ber bi civaka demokratîk ve” tê lidarxistin.
Hevserokê Giştî yê DEM Partiyê Tuncer Bakirhan di civînê di bal kişand ser hiqûqa Tirkiyeyê û wiha got: “Me di sinevîzyonê de jî temaşe kir, me gelek zor, zext û tundî li pey xwe hiştin û em hatin. Di serî de Sirri Sureya Onde û hemû kesên di têkoşîna demokrasiyê de jiyana xwe ji edest dane bi bîr tînim. Ji hemû girtiyên siyasî re silav û hurmetê xwe dişinim. Bila meraq nekin. Ama wan em ê bi serkeftî bigînin cihê wê. Em soza vê yekê didin wan.”
Tuncer Bakirhan bal kişand ser qeyrana pergalê û wiha axivî: “Hêzên hegomonîk di dîrokê de qeyrana herî mezin dijîn. Bi rebazên cuda hewl didin vê qeyranê derbas bikin. Lê li şûna qeyranê çareser bikin qeyranê bêtir kûr dikin. Em hemû bi hevre şerê li cîhanê dişopînin. Li şûna edaletê pêş bixin, bêedaletiyê pêş dixin. Dixwazin bi şer emrê xwe dirêj bikin. Peymanên navneteweyî tu demê bi qasî niha bêqîmet nebûne. Êdî qîmeta wan bi qasî qîmeta kaxizekê ye. Wekî hemû aliyên cîhanê şer li Rojhilata Navîn jî pêş dikeve.”
Tuncer Bakirhan, destnîşan kir ku pêdiviya cîhanê bi şerekî kurevî tune ye û dijberî vê yekê bi aştiyek kurevî û herêmî heye û wiha pêde çû: “Pêdiviya Sûriyeyê û Iraqê bi aştiya navxweşî heye. Bêguman pêdiviya Tirkiyeyê jî bi aştiya navxweşî heye. Li cîhanê û herêmê aştî, li Tirkiyeyê jî pêdivî bi aştiyê û tifaqa Kurd û Tirkan heye. Têkiliya Kurd û Tirkan di 100 salên borî de zerarek mezin dît û ji cewherê xwe dûr ket. Lê xurtkirin û pêşxistina têkilî û tifaqa gelê Kurd û Tirk dê ji bo berjewendiyê hemû gelê Tirkiyeyê be.”
Ji bo aştiyê Peymana Civakî û Hiqûqa Xwişk û Biratiyê divê
Tuncer Bakirhan, bal kişand ser peyamên Rêberê Gelê Kurd Abdullah Ocalan û wiha pêde çû: “Di vê pêngavê de birêz Ocalan qala Hiquqa Xwişk û Biratiyê û Peyaman Civakî dike. Ev herdu têgeh dê bibe sedema ku dawî li şer bê û aştî pêş bikeve. De bibe sedem ku civaka ahlaqî-polîtîk pêş bikeve. Hiqûqa Xwişk û Biratiyê hiqûqa wekhevî û edaletê ye. Tifaqa gelan dê li ser hiqûqa wekheviyê û peymana civakî pêş bikeve. Rêveberiyên Herêmî jî divê li gorî van peyman û hiqûqê xwe ji nûve ava bike û xurt bike. Peymana Civakî ji Mêrdîn, Wan û Colemêrgê ku vîna wan hatiye xezpkirin dest pê dike. Divê berî her tiştî hiqûq li vir pêş bikve. Cewherê puxteya meseleya Kurdan hiqûqa nivîskî ye. Divê hiqûqa xwişk û biratiyê êdî li ser zemîna hiqûqê bê avakirin û fermî bibe. Ev erka Meclisa Tirkiyeyê ye. Navnîşana çareseriyê meclis e. Divê meclis vê erka xwe pêk bîne. Divê meclis vê yekê bi zagonan mîsoger bike.”
Tuncer Bakirhan, destnîşan kir ku heta niha qeyûm tayînî 10 şaredariyên DEM parityê bi giştî qeyûm tayînî 13 şaredariyan kiriye û vîna gel tune hatiye hesibandin. Tuncer Bakirhan, da zanîn ku cihekî ku qeyûm lê hebe, hiqûqa xwişk û biratiyê û peymana Civakî pêş nakeve û xwest hiqûqa xwişk û biratiyê li herêmê pêş bikeve û dawî li qeyûman bînin.
Divê hemû girtiyên siyasî serbest berdin
Tuncer Bakirhan, xwest hemû girtiyên siyasî serbest bên berdan û wiha awaftina xwe bi dawî kir: “Em derbasî serdemeke nû dibin. Di vê serdema nû de dê tu tişt ne mîna berê be. Divê ziman bê guhertin û her her tişt xwe nû bike.”
