Serdanên şîna şehîdên Tevgera Azadiyê ya Kurdistanê yên Geverê di roja duyemîn de didome. Hevseroka Giştî ya DEM Partiyê Tulay Hatîmogullari di serdanê de axivî û got: ” Em ê ala têkoşînê bilindtir bikin.”
Bi pêşengiya Komeleya Yekitî, Çand, Piştevanî û Alîkariyê ya bi Malbatên ku di Dergûşa Şaristaniyê de Xizmên Xwe Winda Kirine re (MEBYA-DER) a Colemêrgê ji bo şehîdên Tevgera Azadiya Kurdistanê yên ku di dem û dîrokên cuda de jiyana xwe ji dest dane, li Eywana Dawet û Konferansê ya Çayir a taxa Gungorê ya Geverê ya Colemêrgê şîn hat danîn. Hevseroka Giştî ya DEM Partiyê Tulay Hatîmogullari, Serokwekîlê Koma DEM Partiyê Sezaî Temelli û parlamenter Onur Duşunmez, Gulistan Kiliç Koçyîgît, Hevşaredar, rêveber û hevserokên partiyên siyasî, nûnerên saziyên sivîl û gelek kes jî tev li şînê bûn.
‘Em ê ala têkoşînê bilindtir bikin’
Hevserokê Giştî ya DEM Partiyê Tulay Hatîmogullari sersaxiya Gelê Kurd xwest û diyar ku Kurd sed sal in li dijî înkarkirinê gelek berdel dane lê ti carî serî ne tewandî ye. Tulay Hatimogullari di berdewama axaftina xwe de bal kişand ser pêvajoya ji aliyê Rêberê Gelê Kurd Abdullah Ocalan ve hatiye destpêkirin û wiha got: “Îro ev êşa ku li vir tê jiyîn, edaleta ku tê xwestin û hêviyên wekheviyê li gel banga birêz Abdullah Ocalan bûn yek. Bi têkoşîna xwe em hatin vê demê û ji vir şunde jî em ê vê têkoşînê vegerînin jiyanek nû. Ev bedel ji bo vê hatin dayîn. Ala têkôşînê me di nav her şert û mercan de ne hiştiye û em ê vê alê bilindtir bikin.”
‘Heta daxwazên şehîdan pêk neyê ev têkoşîn wê bidome’
Parlementerê DEM Partiyê yê Colemêrgê Onur Dusunmez şehîdên Tevgera Azadiyê bi bîr anî û ev tişt anî ziman: “Hevalên me, cangoriyên me, keç û xortên Geverê yên herî wêrek û çeleng singê xwe kirin mertal ku em îro dikarin welatê xwe bi ziman, çand û jiyana xwe bi rê ve bibin. Em soz didin heta dliopek xwîna me jî bimîne em ê şopdarê vê dozê bin. Heta ku Serok Apo azad nebe û daxwazên cangoriyên me pêk neyên em vê têkoşînê bernadin. Gelê Geverê seknek pîroz û bi nirx nîşan daye û em ê xwedî li vê nirxê derkevin. Em bi wan şehîdan serbilind in û bi saya wan şehîdan Gelê kurd çok nedana.”
Piştî axaftinan sersaxî ji malbatên şehîdan hat xwestin. Welatiyan dirûşmên “Şehîd Namirin” û “Serok Apo” berzkirin.
Şîn bi serdanên kesên ji navçe û bajarên derdorê hatine didome.
