Serokdewletê DYAyê Donald Trump diyar kir ku ji bo rejîm êrişê çalakgeran neke hişyarî da Îranê û eger êriş pêk bên dê mudaxile bikin.
Serokdewletê Dewletên Yekbûyî yên Amerîkayê (DYA) Donald Trump ku tev li televîzyona Foxê bû, derbarê serhildana gelên Îranê de axivî. Trump bi bîr xist ku di destpêka çalakiyan de ji bo êrişê gel neke hişyarî da rejîma Îranê û wiha got: “Niha pirr zêde mirov tev li çalakiyan dibin. Min tu carî tevlibûnek wekî niha nedît. Hêviyek wan a pirr mezin heye. Dixwazin êdî tiştek çê bibe. Li welatê wan binêrin 150 sal paşde çû. Lê min rejîma Îranê hişyar kir. Ku êrişî gel bikin û mirovan biêşînin em dê wan gelek hişk ceza bikin. Min ev yek gelek zelal û bi dengek bilind got. Tişta em bikin ev e.”
Trump got ku Îranê berê êrişî gel û çalakiyan dikir û got: “Berê bi awayek bêrehim êriş dikirin. Min ji wan re got ku êriş bikin, ez ê bersivek tund bidim. Heta niha bi piranî tiştek wiha nekirin. Lê coşa têkbirina rejîmê bêhempa xuya dike.”
