Serokê DYAyê Donald Trump daxuyand ku di mijara danîna çekan a Hamasê de lihevkirinek çêbûye. Bersivên rayedarên Hamas û Îsraîlê yên derbarê mijarê de diyar dike ku nakokî hêj berdewam dikin.
Şerê di navbera Îsraîl û Hamasê bi xwe re qeyranên giran ên însanî û madî anîn. Di demên dawî de herçiqas pevçûn û kuştin kêm bûbin jî di navbera her du hêzan de heya niha tu peymanên sekinandina şer û pevçûnan nehatin îmzekirin. Serokê DYAyê ku bi hewldanên xwe ‘Lijneya Aştiyê’ ava kir.
Serokê DYAyê Donald Trump li ser hesaba xwe ya medya dijîtal daxuyand ku di mijara danîna çekan de bi Hamasê re lihevkirinek çêbûye. Bi daxuyaniya Trump re Hamas û Îsraîl jî daxuyanî dan. Li gorî daxuyaniyan nakokiyên di navbera her du hêzan de nakokî berdewam dikin.
Serokê DYAyê Donald Trump li ser hesaba xwe derbarê mijarê de ev peyam parve kir: “Ev peyman ji bo Filîstînek ku karibe bi Lijneya Aştiyê re hevkariyê bike û alîkariyan bigihîne Xezayê, Filîstînê di asteke girîng de ye. Di heman de mê de Xeza jî dê weke baregeheke terorê neyê bikaranîn û dê Îsraîl jî bigihije ewlehiya ku heq kiriye.
Sala par di navbeykariya DYA de Hamas û Îsraîl agirbest îlan kirin lê belê di navbera her du aliyan de muzakereyên ji bo bêçekkirina Hamasê, ji nû ve avakirina Xezayê jî di nav de di gelek mijaran de ji bo pêvajo derbasî qonaxa duyemîn bibe nakokî derketibûn.
Li gorî peymana agirbesta Trump sala par ragihandiye diviya komên çekdar ên Îranê piştgirî dide wan çekên xwe teslîm bikirana, hemû torên tunêl û çûnuhatê bihatana tunekirin. Herwiha dê Îsraîl jî Xezayê vekişiyaba, dê hikûmeteke pisporê teknîkê ava bihata avakirin, hêzên navneteweyî yên ewlehiyê li herêmê bihata bicihkirin. Dihat payîn ku dê peymana piştî 2 salan domiyaye Filîstîna wêran bûye ji nû ve bihata avakirin.
Endameke muzakereyê yê Hamasê Gazî Hamad ji El Cezireyê derbarê mijarê de daxuyand ku heya Îsraîl ji Xezayê dernekeve ew ê derbarê berdanan çekan de tu gavan navêjin.
Rayedareke Îsraîlî jî derbarê nakokiyên bi Hamasê re daxuyanî dabû û wiha gotibû: “Îsraîl beriya her tiştî ji bo pêvajoyek dest pê bike bi temamî berdana çekan a Hamasê dixwaze.”
Hamas di rêziknameya xwe de li dijî Îsraîlê têkoşîna çekdarî diparêze û naxwaze dest ji çekan berde.
Daxuyaniyên aliyan nîşan dide ku dê nakokiyên heyî demekê berdewam bikin. Li gorî daxuyaniyên rayedarên tenduristiyê Îsraîlê di roja Pêncşemê de li dijî Xezayê êriş li dar xist, di nav de 2 zarok herî kêm 6 Filîstînî hatin kuştin.
Artêşa Îsraîlê hewl dide ku dagirkeriya li Xezayê berfirehtib bike. Serokwezîr Benjamîn Netanyah derbarê operasyonana de daxuyanî da û got ew dixwazin ji sedî 70ê qadê têxin di bin kontrola xwe.
