TJAyê li navçeya Rêya Armûşê ya Wanê, bi boneya rojbûna 77emîn a Rêberê Gelê Kurd Abdullah Ocalan pîrozbahiyek li dar xist.
Tevgera Jinên Azad (TJA) bi boneya 4ê Nîsanê roja ji dayikbûna Rêberê Gelê Kurd Abdullah Ocalan ya 77emîn, li eywaneke dawetê ya li navçeya Reya Armûşê ya Wanê pîrozbahiyek li dar xist. Di bernameyê de pankarta “Jin, Jiyan, Azadi” û wêneyên Rêberê Gelê Kurd Abdullah Ocalan hatin vekirin û dirûşmeyên “Bê Serok jiyan nabe”, “Bijî Serok Apo” û “Jin, jiyan, azadî, azad bike Rêbertî” hatin berzkirin. Gelek jin tev li pîrozbahiyê bûn.
Pîrozbahî ji bo kesên di rêya aştî û demokrasiyê de jiyana xwe ji dest dane bi deqeyekê rêzgirtinê dest pê kir. Piştî rêzgirtinê, peyama Abdullah Ocalan a ji bo Newroza 2026an şandibû, hat xwendin. Di berdewamiya bernameyê de pêşbirkeke zanînê hat lidarxistin.
Piştî pêşbirka zanînê, pasteya rojbûnê ya hatibû amadekirin hat birîn û findên li ser pasteyê bi hêviya azadiya Abdullah Ocalan hatin pifkirin. Dawiya bernemeye jinan bi cilên xwe yên neteweyî govend gerandin.
Pîrozbahî bi çepik û tililiyan û dirûşman bi dawî bû.
