SÎNEBÎRê bi boneya salvegera şeşemîn a wefata Mîrê Bilûrê ango Egîdê Cimo belgefilma “Welatê Me Kurdisatn e” ku qala jiyana wî dike bi bîr anî.
SÎNEBÎR a ku di bin banê Şaredariya Bajarê Mezin a Amedê de xebatên sînemayê bi rê ve dibe, ji bo bîranîna salvegera 6emîn a wefata Mîrê Bilûrê Egîdê Cimo belgefilma “Welatê Me Kurdistan e” ku qala jiyana Egîdê Cimo dike da pêşandan. Pêşandana belgefilmê li eywana sînemayê ya ÇandAmedê ya Şaredariya Bajarê Mezin hat lidarxistin.
Beriya belgefilm were nîşandan Behmen Atli yê şagirtê Ma Musicê li fîqê xist û performansa fîqê nîşan da.
Piştre belgefilma “Welatê Me Kurdistan e” ku qala serpêhatiya Egîdê Cimo dike û ji aliyê derhener Îbrahîm Yildirim ve hatiye amadekirin hat nîşandan. Egîdê Cimo ango Mîrê Bilûrê di belgefîlmê de qala serpêhatiya xwe ya bilûrê û jiyana xwe dike.
Egîdê Cimo di 87 saliya xwe de 31ê Çileya 2019an li Êrîvana paytexta Ermenistanê koça dawî kiribû.
