Sererastkirina nû ya derbarê zarokên berledayî ku AKP pêşniyar kiriye de li Meclisê ye. Di sererastkirina nû de gelek guherîn hatine pêşniyar kirin û bi van guherînan dê pêşî li cezayê muebedê yê ji bo zarokan jî were vekirin.
Sererastkirina nû ya derbarê zarokên berledayî (zarokên ku teşwîqî sûc hatine kirin) de pêşkêşî Meclisê hate kirin. Ev pêşniyar li ser daxwaza AKPê hatiye Meclisê. Meclis dê li ser vê sererastkirinê gotûbêjan bike.
Serokwekîla Koma AKPê Leyla Şahîn Usta diyar kir ku wan sererastkirina nû ya derbarê zarokên berledayî de pêşkêşî Meclisê kiriye. Pêşniyara weke, “Qanûna Parastina Zarokan” hatiye binavkirin û ji bo zarokên 15-18 salî jî pêşî li cezayê muebedê dê bê vekirin. Bi vê yekê re di Qanûna Cezayê Tirk (TCK) de pêkanîna hukmên terrur jî ji 18 saliyê dadixîne 15 salî û ceza dê bên zêdekirin.
