Serdanên ji bo Endamê Şandeya DEM Partî ya Îmraliyê Sirri Sureyya Onder li nexweşxaneyê didomin û Serokwekîlê Meclisê yê AKPê Bekîr Bozdag û gelek kesan serdana parlamenterên DEM Partiyê kirin.
Endamê Şandeya Partiya Wekhevî û Demokrasiyê ya Gelan (DEM Partî) a Îmraliyê Sirri Sureyya Onder ji ber krîza dil 5 roj in li Nexweşxaneya Florence Nightingale ya li navçeya Şîşliya Stenbolê di beşa lênihêrîna awartê de tê tedawîkirin. Bênavber serdanên ji bo Onder jî li nexweşxaneyê berdewam dikin. Endama Şandeya DEM Partiyê ya Îmraliyê Pervîn Buldan, Serokwekîlên Koma DEM Partiyê Gulistan Kiliç Koçyîgît û Sezaî Temelî û parlamenterên DEM Partiyê jî li nexweşxaneyê mêvanan pêşwazî dikin û li nexweşxaneyê disekinin.
Serokwekîlê Meclisê yê AKPê Bekîr Bozdag jî serdana nexweşxaneyê kir û bi Şandeya DEM Partî û malbata Sirri Sureyya Onder re hevdîtin kir. Bekîr Bozdag axivî û got ku ew hêvî dikin rojek beriya rojekê Sirri Sureyya Onder baş bibe û vegere ser karê xwe.
Her wiha Wezîrê Turizmê yê berê Mahîr Unal, Şeredarê Semsûrê Abdurrahman Tutdere, parlamenterên CHP, AKPê û HDPê yên berê jî serdana Sirri Sureyya Onder kirin.
Li aliyê din Serokê Giştî yê Partiya Yekitiya Îslamê ya Kurdistan Selahaddin Muhammed, nivîskar Îhsan Elî Açik jî serdana Sirri Sureyya Onder kirin.
