Stenbol – DEM Partî di salvegera 1emîn wefata Sirri Sureyya Onder wî bi bîr anî. Hevserokê DEM Partiyê Tuncee Bakirhan di bîranînê de axivî û diyar kir ku bi saya kesên ku wekî Sirri ew hatin van rojan. Dema ku herkes bêdeng bû Sirri axivî û baweriya aştiyê daye wan û got: “Em soz didin ku ‘em ê aştiyê bînin li vî welatî.”
Endamê Şandeya Îmraliyê ya DEM Partiyê Sirri Sureyya Onder, di 3yê Gulana 2025an de li nexweşaneyeke Stenbolê dema lê dihat dermankirin jiyana xwe ji dest da. Ji ser wefata Sirri Sureyya Onder salak derbas bû. DEM Partiyê ji bo salvegera 1emîn a Sirri Sureyya Onder li Goristana Zincîrlîkûyûyê bernameyeke bîranînê li dar xist. Malbata Onder, Hevserokê DEM Partiyê Tuncer Bakirhan, Endama Şandeya Îmraliyê ya DEM Partiyê Pervîn Bûldan, Hevserok Û rêveberên DEM Partiyê, HDKê, aktivîstên TJAyê, Dayikên Aştiyê, kedkar û gelek welatî tevlî bîranînê bûn.
Malbata Onder beşdaran yek bi yek pêşwazî kir piştre bîranîn bi xwendina Qûranê domiya.
‘Li cîhanê şer heye lê velatê me aştî heye’
Keça Sirri Sureyya Onder Ceren Onder Kandemîrê di merasîmê de di bîranînê de axivî û ev tişt gotin: “Îro heval û hogirên hatine li vê derê. Bi hevrêyên te re me destê hev girt. Li cîhanê şer heye lê li velatê me pêvajoyeke aştiyê heye. Amedspor bû şampiyon.”
‘Em ê aştiyê bînin û diyarî te bikin’
Pervîn Bûldan a tev li bîranînê bûye jî bal kişan ser Sirri Sureyya Onder a ji bo aştiyê daye û got: “Berî salekî li hezaran malan cenaze rabûn. Cihê Sirri tijê nabê. Neheqîye ku em bibêjin em te bi bîr tînin. Em bi sekn û mirovatiya te jî bi bîr tînin. Ji bo aştiyek birûmet pêk were te têkoşînek mezin da. Em soz didin ku em aştiyê bînin û diyarî te bikin.”
‘Dema herî zehmet de axivî û bawerî da me’
Hevserokê DEM Partiyê Tuncer Bakirhan jî destnîşan kir ku di demê herî zêde zextan dihatin meşandin de Sirriyê wan hebû û wiha axivî: “Bi saya kesên ku wekî Sirri, em hatin van rojan. Dema ku herkes bêdeng bû Sirri axivî û baweriya aştiyê da me. Sirri aştiyê dikir aştî. Em soz didin ku ‘em aştiyê bînin li vî welatî.’ Hemû kesên ku ji bo aştiyê têkoşiyane û jiyana xwe ji dest dane bi bîr tînim.”
Bîranîn piştî axaftinan bi dawî bû.
