Heyetên Amerîka û Îranê ji bo muzakereye li Îslamabadê ne. Senetorê Komarparêz Lîndsey Graham bi peyaman peyamekê 3 xetên sor yên Amerîkayê diyar kir.
Senatorê Komarparêz yê Dewletên Yekbûyî yên Amerîkayê (DYA) Lîndsey Graham, di weşana zindî ya FOX Newsê de derberê stratejiya nû ya Washingtonê ya li dijî Îranê agahiyên girîng parve kir. Graham destnîşan kir ku Donald Trump dê di sê mijarên sereke de tu tawîzan nede Tehranê.
Kontrola tengavê xeta sor e
Lîndsey Graham diyar kir ku Amerîka tu carî qebûl nake ku Tengava Hurmizê di bin kontrola Îranê de bimîne. Graham weha got: “Trump dê rê nede ku Îran Tengavê kontrol bike. Ev rêyeke navneteweyî ye û ewlehiya wê ji bo me mijara sereke ye.”
Fuzeyên balîstîk û uranyum
Senatorê Amerîkî bal kişand ser bernameya nukleerî û moşekî ya Îranê û biryardariya Trump wiha anî ziman: Trump dê rê nade ku Îran xwedî fuzeyên balîstîk be. Her wiha ji bo Îranê hebûna uranyumê êdî nayê qebûlkirin û Trump dê di vê mijarê de paşde gav neavêje.
Mesaj ji bo muzakereyên Îslamabadê
Ev daxuyaniyên Graham di pêvajoya muzakereyên li Îslamabadê tên kirin de hatin dayîn. Pispor dibêjin ev peyam wekî “peyama xêza sor” ya Washingtonê ye û ev yek nîşan dide ku heke Îran di van sê xalan de paş de gavê neavêje, dibe ku agirbest demkurt be.
