Şaredariya Peyasê ji bo zarokan aktîvîte û kursên sporê pêk tîne. Bi saya van kursan, 8 hezar 435 zarok bi şahî û kêfxweşî bi sporê re hatin gel hev.
Kursên sporê yên havînê ku ji aliyê Şaredariya Peyasê ve hatine organîzekirin, eleqeyeke mezin dibînin. Li Kompleksa Sporê ya 500 Evlerê û Parka Sporê ya şaredariyê, 1,435 kursiyer di şaxên voleybol, tenîs, futbol, hentbol û atletîzmê de hefteyê pênc rojan ji mamosteyên pispor perwerdehiyê digirin. Ev kurs, bi armanca geşkirina jêhatîbûnên zarokan û kêfxweş derbaskirina dema wan, bi awayekî profesyonel tên rêvebirin.
Bi dirûşma “Di kelegerma havînê de bila tu zarok bê avjenî nemîne” û “Bila zarok dema betlaneyê bi şahî derbas bikin”, Şaredariya Peyasê ji bo zarokên 7-14 salî kursên avjeniyê yên belaş pêşkêş dike. Di encamê de, 7 hezar zarok li birkên Anzele, Kupelî, Dîcle û Firat ên şaredariyê bi perwerdehiya avjeniyê re hatin ba hev. Ev kurs, hefteyê heft rojan bi awayekî rêkûpêk tên lidarxistin û ji zarokan re fersendeke bêhempa ya kêfê û fêrbûnê peyda dikin.
Ev xebatên Şaredariya Peyasê, bi armanca teşwîqkirina jiyaneke tendurist ji bo zarokan berdewam dikin.
