Amed-Şaredariya Erxeniyê parka ku bi navê Gulîstan Dokûyê ya li Taxa Bagurê ya navçeyê çêkir, bi merasîmekê vekir.
Şaredariya Erxeniyê ya Amedê parka ku li Taxa Bagurê ya navçeyê bi navê Gulistan Dokûyê çêkir, bi merasîmekê vekir. Hevşaredarên Erxeniyê Bîrsen Azak Bayar û Şiyar Guldîken, endamên meclisa şaredariyê, malbata Gulîstan Dokû û gelek welatî beşdarî merasîma vekirinê bûn.
Hevşaredar Bîrsen Azak Bayar ku di vekirinê de axivî, xwest aqûbeta Gulîstan Dokûyê bê zelalkirin û wiha got: “Em vê parkê ji bo bîranîna hemû jinên ku jiyana xwe ji dest dane û ji bo piştgiriya têkoşîna jinan vedikin.”
Piştî axaftinan, qurdeleya vekirinê hate birîn û pişt re beşdar li parkê geriyan.
