Rojnameya Ronahî ku li Bakur û Rojhilatê Sûriyeyê bi zimanên Kurdî û Erebî weşanê dike, 4 rûpel li beşa Kurdî zêde kir.
Rojnameya Ronahî, di 27ê Mijdarê de dest bi weşana xwe ya nû kir. Di weşana nû de, 4 rûpel li beşa Kurdî hatin zêdekirin û ev beş derket 12 rûpelan. Beşa Erebî ya rojnameyê jî ji 12 rûpelan pêktê.
Li gorî agahiyên ku rêveberên rojnameyê dane, wan hem ji ber pêwîstiya pêvajoyê û hem jî ji ber pêşketina derfetên beşa Kurdî, bi armanca dewlemendkirina rojnameyê ev biryar daye.
Rojnameya Ronahî 16ê Cotmeha 2011an li taxa Şêxmeqsûd a Helebê dest bi weşanê kiribû. Piştî destpêkirina Şoreşa 19ê Tîrmehê (2012), rojnameyê sala 2013an li bajarên Qamişlo û Efrînê navendên xwe vekirin. Rojname destpêkê bi awayê nêzî kovarekî derdiket. Bi demê re bi pêş ket û di sala 2014an de çapên Kurdî û Erebî ji hev hatin veqetandin.
