* Li navçeya Kanîreşê ya Çewlikê piştî 13 salan bi tevlîbûna bi hezaran welatiyan Festîvala Çand û Xwezayê hate lidarxistin. Beşdarên festîvalê diyar kirin ku ew ji ber vejîna çand û kevneşopiya xwe gelek kêfxweş in û dan zanîn ku bernameyên wiha dê li navenda Çewligê û navçeyên din jî berdewam bike.
*Li Colemêrg û navçeyên wê di 3 rojan de 5, di 6 mehan de jî 26 bûyerên ‘întîhar’ û ‘mirinên biguman’ qewimîn. Hevseroka Şaxa ÎHDê ya Colemêrgê Sîbel Çapraz bal kişand ser sedemên van bûyeran û wiha got: “Sedema herî berbiçav aborî ye.”
*Mekanîzmaya desthilatê bi rêya lîstikên darazê yên li ser CHPê û bi serokatiya Ozgur Ozel hewldanên damezrandina ‘Partiya Nû’, jiyana siyasî ber bi ‘siyaseta bê-siyasetê’ ve dikişînin. Hebûna 189 partiyan li Tirkiyeyê ne pirdengî ye; amûreke endezyariyê ye ku bala raya giştî ji pirsgirêkên mezin dikişîne ser nîqaşên amûrî û nerazîbûnên civakî di nav hesabên burokratîk de bêtêsîr dike.
*Piştî berxwedana Parka Geziyê ku di sala 2013yan de pêk hat, ev 13 sal e Parka Geziyê di binçavan de ye. Polîs li parkê qerekolekî seyyar avakiriye, dehan polîs nava parkê de digerin û çavên wan li ser gel in.
*DEM Partî beriya Kongreya xwe ya giştî ku dê di meha îlonê de bê lidarxistin, li Eywana Konferansê ya Tahîr Elçî ya Baroya Wanê konferansa herêma Serhedê li dar bixe. (10:00)
*Şaredariya Westanê ya Wanê 1em Mîhrîcana Bafirokan li Plaja Gel a Şaredariyê li dar dixe. (13:00)
*Tevgera Jinên Azad (TJA) dê di çarçoveya pêngava ‘Rabin’ de ku li dijî tiryak, hişbir, fihûş û qûmarê hate destpêkirin, li Parka Korhat a li navçeya Rezanê daxuyaniyê bide çapemeniyê. (18.00)
