* Dayikên Wanî yên ku tev li şîna şehîdên Tevgera Azadiya Kurdistanê bûne, behsa êş û serbilindiya xwe kirin û gotin: “Ev pêvajo ji bo me şanseke ku dê êdî cenaze nayên.”
* Endama Kolektîfa Polen Ekolojiyê Medîne Açikgozê anî ziman ku rizgarbûna sewalan girêdayî avakirina civakeke nû û bidawîkirina cihêkariya di navbera mirov û sewalan de ye.
* Hevserokê MEBYA-DERa Amedê Ramazan Dengîz da zanîn ku li Amedê 2 hezar 500 malbatên şehîdan hene û ji sedî 60ê mezelên wan tine ne û wiha got: “Ji ber vê yekê, yek pirsa ku ji me dikin ev e, ‘Ka cenaze? Çima cenaze tine ne?’ Bi rastî ev yek me pir xemgîn dike. Dema mezelê zarokê dayikekê tine be û em bêjin hestiyek jî li holê tine ye, ev ji bo dayikekê êşeke mezin e.”
* Şîna şehîdên Tevgera Azadiya Kurdistanê ku bi pêşengiya MEBYA-DERê li navçeya Artemêtan a Wanê hatiye danîn, dê di roja duyemîn de berdewam bike. (09:00-17:00)
* Bi pêşengiya MEBYA-DERa Colemêrgê dê ji bo şehîdên Tevgera Azadiya Kurdistanê yên di dîrok û cîhên cuda de jiyana xwe ji dest dane, li Eywana Dawetê ya Çayir a li Taxa Gungorê ya Geverê şîn bê danîn. (09:00-17:00)
* Karkerên madenê yên girêdayî Sendîkaya ya Karkerên Madenê ya Xweser ji bo destheqê xwe bigrin dê li ber Wezareta Enerjî û Çavkaniyên Xwezayî di roja 16emîn de çalakiya xwe bidomînin. (11:00-20:00)
