*Gundê Wargenima yê bi ser navçeya Geverê ve û gundê Avkê yê bi ser Ûrmîyeya Rojhilatê Kurdistanê ve bi salan in di bin tecrîd, êriş û zextên her du dewletan de mane. Gundê Wargenima ji sala 2019an heta niha bi çar aliyan ve hatiye dorpêçkirin, di nav rewşeke neasayî de ye û ji bilî şêniyên gund kes nikare bêyî destûra qeymaqamiyê bikeve gund.
*Akademîsyen û aktivîsta ekolojiyê Prof. Dr. Beyza Ustun derbarê talankirina ekolojîk û polîtîkayên desthilatdaran ên li ser xwezayê de axivî û got: “Hegemonên kapîtalîst bi destê hikûmeta Tirkiyeyê jîngeha me tune dikin.”
*Rayedarên dewletan û xwediyên şîrketên mezin ên zirara herî mezin didin xwezayê di COP31ê de li Antalyayê hatin li cem hev û li ser çareseriya xwezaya ku têk birine, nîqaş kirin. Rapor û lêkolînên sazî û rêxistinên ekolojiyê nîşan didin ku zirara herî mezin piştgir û beşdarên COP31ê didin xwezayê.
*Şanoya Bajêr a Şaredariya Bajarê Mezin a Amedê, dê promiyera lîstika bi navê “Serpêhatiyê Nîkoyê Şilbik” a ku îluzyon û nîşandanên balonan tîne cem hev, li Çand Amedê li dar bixe. (13:00)
*Yekîtiya Ciwanên Komînalîst (YCK-KURD) ya Amedê dê li Çand Amedê civînekî bi ciwan û gel re li dar bixe û şahiyekê pêk bîne. (13:00)
* Malbatên girtiyên nexweş, OHD, ÎHD û DEM Partî dê çalakiya nobetê ya bêdem ku li ber Wezareta Dadê dane destpêkirin di roja 6emîn de bidomînin. (14:00)
Kirmanckî
*Roja Têkoşînê ya Mîyanneteweyî ya Vera Şîdetê Serê Cinîyan her serre 25ê Teşrîna Peyêne de sey roja xoverdayena cinîyan yena zanitene. Na roje de, meydanan ra heta kuçeyan, vera her tewir zilm, tacîz û şîdetê nêrkî bena vengê hempar ê cinîyan ê pêro cîhanî. Labelê koka na roje şona heta Amerîkaya Latîne, resena Komara Domînîkî û têkoşînê hîrê wayan. (DOSYA)
*Hetkaranê Amedsporî waştişê xo yê derheqê prosesê de ardî ziwan. Hetkarî bal antê kombîyayîşê MGK yê 27ê teşrîna peyêne de û vat ke ganî qerarê ke do bêrê girewtene mîyan de azadîya Abdullah Ocalanî û girewteyenê sîyasîyan ca bigêro.










