*Nûnerê MEBYA-DERê yê Colemêrgê Hamdî Taşkin derbarê pêvajoya ‘Aştî û Civaka Demokratîk’ de diyar kir ku di pêvajoyên aştiyê de çek herî dawî tên danîn lê Rêberê Gelê Kurd Abdullah Ocalan di serî de ev gav avêt û got ku tevî vê yekê jî dewletê gav neavêtiye. Hevseroka DEM Partiya Colemêrgê Remziye Akdogan jî got ku divê azadiya fizîkî ya Abdullah Ocalan were misogerkirin.
*Endamê Akademiya Zanista Civakî ya Abdullah Ocalan a Şengalê Kendal Çiya derbarê rewşa ku civaka Êzdî dijî de diyar kir ku îro civaka Êzdî di nava tecrîdek siyasî, ewlehî û îdarî de ye.
*Yek ji Fermandara YPJê Milîtan Efrîn diyar kir ku zihniyeta deshilatdar dixwaze artêşbûna jinan parçe bike û destnîşan kir ku ew ê dest ji destkeftiyên bi salan bernedin û wiha got: “Eger sîstemeke vê nasnameyê nas neke, gelê me jî wê nas nake. Ji ber ku YPJ ne tenê navek e, pratîk û plansaziya jiyanê ye.”
*Gazî Ciwan Azad ku di qonaxên destpêkê yên Şoreşa 19ê Tîrmehê de cih girtiye û du caran birîndar bûye, diyar kir ku ev şoreş mîrasa serhildanên dîrokî û keda 25 salan a Rêberê Gelê Kurd Abdullah Ocalan e û wiha got: “Hêza ku em li hemberî êrîşên hovane li ser pêyan dihiştin, tene vîn û xeyala azadiyê bû.”
*Platforma e-bazirganiyê Trendyol, firoşgeha ‘Pirtûka Kurdî’ bi temamî girt. Xwediyê dikanê Bawer Berşev diyar kir ku astengî sîstematîk e û algorîtma rasterast peyvên ‘Kurd’, ‘Kurdî’ û ‘Kurdistanê’ qedexe dike û da zanîn ku ew amade ne pêvajoya hiqûqî bidin dest pê kirin.
*Li navçeya Reya Armûşê ya Wanê qayim biryara çêkirina parqê betal kir û li şûna wê lojmana leşkerî tê çêkirin. Gelê Wanê bertek nîşanî vê biryarê da û wiha got: “Em lojmanan naxwazin, pêdiviya Wanê bi parqan heye, divê ev biryar were betalkirin.”
*Dê di pêşengtiya Platforma Ked û Demokrasiyê ya Wanê de li dijî polîtîkayên qayim yên tunekirina qadê hêşînahî yên bajêr daxuyaniya çapemeniyê bê dayîn. (13:00)
*Li avahiya Med-Derê ya Amedê atolyeya Jinan a qada ziman dê pêk were. (17.00)
*Komeleya Wêjekarên Kurd a Amedê dê li ser pêvajoyê daxuyaniyê bidin çapemeniyê. (17.00)
