* Rojnamegerî yek ji rêbaza têkoşînê ye ku nahêle heqîqet, rastî ,ronahî di taritiyê de bimîne. Yek ji rêbaza rêxistinkirin û belavkirina heqîqetê ye. Di Çapemeniya Azad de ev rêgez bi bedelên giran heta niha pêk hatine. Yek ji wan rojnamegeran jî ku ev rêgez ji xwe re weke rêgezên pîşeyî û jiyanî esas girt û di vê oxirê de tev li karwanê nemiran bû jî Ayfer Serçe ye.
* Şaredariya Bajarokê Bûlamê yê ser bi navçeya Çêlikanê ya Semsûrê ve cara yekemîn piştî hilbijartinên 31ê Adara 2024an ket bin rêveberiya DEM Partiyê. Şaredariya bajarok bi deynên giran û budçeyekî têkçûyî dest bi kar kir. Lê belê li şûna ku krîza aboriyê bibe asteng, rêveberiya nû modela hevkariya gel û şaredariyê pêş xist. Niha welatî bi dilxwazî di xebatên şaredariyê de cih digirin û Bûlam di nav şertên dijwar de dibe mînakek ji bo rêveberiya komûnal.
* Cevher Kiliç a 75 salî ku du zarokên wê hevjînê wê di têkoşîna azadiya Kurdistanê de jiyana xwe ji dest dane û çar keçên wê jî di nava Tevgera Azadiya Kurdistanê de cih digirin, diyar kir ku wan ji ber îşkenceyên dewleta Tirk gelek êş û jan kişandine û wiha got: “Em hêvî dikin em ê bi saya têkoşîna Rêber Apo, şehîdan, girtiyên zindanan û gerîlayên serê çiya, bi ser bikevin.”
* Rizgar Turhan ê ku piştî 30 salan ji girtîgehê derket qala binpêkirinên mafan ên li girtîgehê kir û diyar kir ku îdareya girtîgehê faksa sersaxiyê ku wî ji bo hevalê xwe yê hucreyê Abdulazîz Kulanç şandibû, piştî 15 mehan an go piştî tehlîyeya wî gihîştiye destê wî.
* Komxebata li ser “Mafê Nafakayê, Sepandin, Polîtîka û Kuştina Jinan” dê li Çand Amedê bê lidarxistin. (10.00-16.00)
* Xizmên Windayan û rêveberên şaxên ÎHDê yên Amed, Êlih, Colemêrgê dê çalakiya bi dirûşma, “Bila winda bên dîtin û faîl bên darizandin” berdewam bikin. (12:00)
* Înîsiyatîfa Ji Girtiyên Nexweş Re Azadî ji bo balê bikişîne ser rewşa girtiyên nexweş dê di hefteya 619emîn de li Cadeya Sakaryayê ya li Enqereyê daxuyanî bide. (13:30)
* Bi pêşengiya TJAyê û Rêxistina DEM Partiyê ya Êlihê derbarê kirinên li Navenda Rehabîlîtasyona Taybet a Şîfayê ya Êlihê pêk hatibû de, dê ji ber Nexweşxaneya Farabîmê heta Parka Yilmaz Guney meş bê lidarxistin û daxuyanî bê dayîn. (20:00)
