* Hevserokê Rêxistina Mafên Mirovan a Efrînê Îbrahîm Şêxo diyar kir ku koçberên piştî 8 salan bi şahî berê xwe dan Efrînê, li wir bi xwestina fîdyeyê, asîmîlasyon û talanê re rû bi rû dimînin û wiha got: “Xwediyên malan di çadiran de ne, çete û Erebên li hawîrdorê jî di malên wan de ne.”
* Serokê PSKê yê Giştî Bayram Bozyel, derbarê şerê di navbera Amerîka û Îranê û krîzên li Rojhilata Navîn de destnîşan kir ku dewletên dagirker, bi taybetî jî Îran, aloziyên herêmî ji bo têkbirina destkeftiyên Kurdan wekî firsendekê bi kar tînin.
* Welatiyên Wanî derbarê pêvajoya Aştî û Civaka Demokratîk û dernexistina qanûnan de axivîn û gotin: “Pêvajo bi yek alî nameşe, lazim e dewlet demildest gavên pêwîst bavêje, qanûnan derbixe da ku gerîla karibin werin û siyasetê bikin.”
* Rêxistinên ked û demokrasiyê dê ji bo mexdûrên KHKê di 17ê Tîrmehê de li ber Wezereta Dadê çalakiyekê li dar bixin. Yek jî mexdûrên KHKê Alî Karadogan diyar kir ku pêvajoya Aştî û Civaka Demokratîk firsendek e û wiha got: “Heta ev welat demokratîk nebe dê tu pirsgerêkên me çareser nebin.”
* Şaxa OHDa Enqereyê dê rapora xwe ya 6 mehan a binpêkirinên mafan, li avahiya xwe, bi daxuyaniyekê aşkera bike. (13:00)
* Li Parka Haciahmet a li Beyoglûyê dê li dijî tiryakê hevdîtina gel were lidarxistin. (20:30)
Kirmanckî
* Yûsûf Guler û embazanê ey pîya Mamekîye de Komela Ziwan û Kulturî kerda ya û seba ke ziwan û kultur vîndî nêbo cehd kenê. Veng dano vano: “Kam ke zonê xo ra hes keno, destê xo bikero bînê kemere. Berîme peser, zone xo qisey bikerime.”
