* Nivîskar Kadîr Kiliç û welatiyê ji Geliyê Zîlan Seyîtxan Telek, bal kişandin ser qirkirina sala 1930an a li Geliyê Zîlanê û diyar kirin ku piştî komkujiyê bi polîtîkayên qedexekirin û asîmîlasyonê bîra civakî hatiye xitimandin. Nivîskar û welatî dan zanîn ku li gel sed sal bi ser komkujiyê re derbas bûye jî êş her zindî ye û xelkê herêmê ji bo edalet pêk were, ne li pey tolhildanê ye lê li pey ronîkirina heqîqetê û rûbirûbûna dîrokê ye.
* 10emîn Festîvala Belgefîlman a FîlmAmedê dê di navbera 25-29ê Îlonê de bê lidarxistin. Endama Komeleya Akademiya Sînemayê ya Rojhilata Navîn Dîlan Toftîk da zanîn ku serlêdanên festîvalê dê di 20ê Tîrmehê de bi dawî bibin û wiha got: “Ez bang li hemû sînemageran dikim ku hem fîlm û hem jî projeyên xwe ji bo festîvalê rê bikin.”
* Pirtûkên nivîskar Faysal Ozdemîr ên bi navê “Rûpelên Binaxkirî” û “Evîna Rojdayê” ji ber ku peyva Kurdistan têde bû 9 salan hatin qedexekirin. Faysal Ozdemîr derbarê qedexeya pirtûkan de wiha got: “Mesele ne ku siyasî ye, mesele ji ber ku ev pirtûk bi zimanê Kurdî ne tên qedexekirin.”
* Kaniya Enzeleyê ya ku li navçeya Sûra Amedê ye û bi hezar salan e jiyanê dide vê xakê, di mehên havînê de dibe stargeha herî şên û bicoş a zarokan. Enzel, ne tenê çavkaniyeke avê ye, ew ji bo zarokên Amedê behra herî mezin, yarîgeha herî bextewar û mîraseke zindî ya dîrokê ye.
* Bi boneya salvegera berxwedana Rojiya Mirinê ya Mezin a di Zindana Amedê de ku hatibû destpêkirin dê li Amed, Wan, Riha, Dîlok, Êlih û Sêrtê daxuyanî bên dayîn û bernameyên bîranînê bên lidarxistin. (11:00-18:00)
* Hevseroka Giştî ya DEM Partiyê Tulay Hatîmogullari dê di komcivîna partiya xwe de li Meclisê biaxive. (12:45)
* Navenda Çanda Anatoliyayê dê ji bo bîranîna sazûmankarê Koma Çiya hunermend Alî Temel li avahiya xwe ya li navçeya Çankayayê ya Enqereyê bernameya bîranînê li dar bixe. (19:00)
