* Jinên ku her sal berî zivistanê ji bo amadekariyên xwarin û vexwarinan diketin liv û tevgerê, îsal ji ber krîza aborî û bihabûna zêde nehatin li ba hev. Jinan destnîşan kir ku ji ber bihabûnê û rewşa aborî ew nekarîne amadehiyên zivistanê li gor dilê xwe bikin.
* Avdel Sayin ê nû ji girtîgehê derketiye, da zanîn ku tevî pêvajoyê jî binpêkirinên mafên girtiyan didomin û got: “Mafên me yên wekî rojname, pirtûk û hevdîtinên malbatê bi temamî dihatin astengkirin û malbat dihatin mexdûrkirin.”
* Velîde Arvas (Dîcle Ela) di sala 2017an de bi 2 hevalên xwe re dikeve nava şer û ji bo ku sax nekeve destê leşkeran, bombeya li ser xwe diteqîne û jiyana xwe ji dest dide. Bav û dayika Dicleyê wiha qala keça xwe kirin: “Çûyîna çiyê xwestina wê bû, li pey xwestina xwe çû.”
* Komeleya Rojnamegeran a Dîcle Firatê (DFG) dê di salvegera koça wan de rojnameger Necmettîn Salaz li Wanê, Kadrî Bagdû jî li Edeneyê bi bîr bîne. (12:00-14:00)
* Festîvala ku Şaredariya Farqînê û KASED li dar dixin dê di roja 2yemîn de li Parka Rindêxan a li Farqînê bi defîleya cil û bergan û koma govendê bidome. (19:30)
