* Rewşan Doner ev 22 sal in li Stenbolê li gel Dayikên Aştiyê têdikoşe. Ji malbata Rewşan Doner 30 ciwan berê xwe dan çiyayên Kurdistanê û ji wan 23 kes jiyana xwe ji dest dan. Rewşan Doner derbarê serpêhatiya xwe de ev tişt gotin: “Du apên min hatin kuştin, du birayê min şehîd ketin. Birayekî min ev 4 car in em vedişerin. 4 caran bi awayekî hovane ji gora xwe hate derxistin. Tevî hemû êşên kişandine jî dayik aştiyê dixwazin.”
* Di 44emîn salvegera 14ê Tîrmehê de şahidê berxwedana zîndana Amedê Mehmet Şîrîn Tûnç derbarê hovîtiya li Zîndana Amedê bi awayeke demdirêj hatiye domandin axivî û wiha got: “Li dijî wê hovîtiyê jî berxwedaneke dîrokî û mezin hebû. Di kesayetiya wan hevalan de, îro rastiya Kurd û Kurdistanê li temamê cîhanê belav bûye.”
* Rojnameger û Hevberdevka Kampanyaya ‘Kobanê nasname ye’ Rebîa Êto der barê polîtîkayên Hikûmeta Demkî ya Şamê yên li ser guhertina navê Kobanê û pêvajoya entegrasyonê de axivî û got: “Hewldanên ji bo guhertina navê Kobanê, berdewamiya hişmendiya rejîma Baasê ye. Kampanya “Kobanê Nasname ye” heta ku encam bigire, dê berdewam bike.”
* Revebera ANKA-DERê Emîne Oguz derbarê Konferansa Zimanê Kurdî ya Amedê axivî û diyar kir ku li gor biryarên wan girtine, di serdema nû de Kurdî dê bibe zimanê sereke û ji nû ve avakirin dê bi pêşengtiya Kurdî pêk were.
* Beşdarên Konferansa ‘Li Tirkiyeyê Pêvajoya Aşitiya Civakî û Mînakên Dinyayê’ destnîşan kirin ku divê aştî bi mafê ziman, nasname û gavên şênber ên qanûnî pêk were.
* Qedexeyên li ser pirtûkên Nivîskar û Dîroknas Faysal Ozdemîr ên bi navê ‘Rûpelên Binaxkirî’, ‘Evîna Rojdayê’ û ‘Dadgeha Evînê’ piştî 9 salan hatin rakirin.
* Komîsyona Girtîgehan a Şaxa ÎHDa Êlihê dê têkildarî rapora binpêkirinên mafên girtiyan ên di sala 2025an de hatine pêkanîn li ber deriyê Navenda Kar a Nasiroglû ya Êlihê daxuyaniyê bide. (12:30)
* Serokwekîla Koma DEM Partiyê Gulistan Kiliç Koçyîgît dê tekildarî geşedanên di rojevê de li meclise daxuyaniyê bide. (13:30)
* Platforma Saziyên Demokratîk dê li awahiya MEBYA-DERa Rihayê bîranîna 14ê Tirmehê li dar bixe. (17:00)
