*Dayika Aştiyê Behiye Sevîm di 25ê Hezîranê de li Amedê jiyana xwe ji dest da. Keça wê Şemsê Sevîm destnîşan kir ku weke zarokên wê soz didin heta ku sax bin dê li gorî têkoşîn û sekna wê tevbigerin. Siyasetmedar Celîle Kaplan a ku 21 salan pê re xebitî jî diyar kir ku dayika Behiye her tim li pişt têkoşîna zarokên xwe sekinî û anî ziman ku her tim wekî kelemekê di nav çavên dijminê Kurdan de sekinî.
*Dayika Sayîde Ulugana ku tevî şandeya dayikan çûbû merasîma şewitandina çekan a gerîlayan, diyar kir ku salek di ser pêvajoyê re derbas bûye lê dewletê tu gav navetiye û wiha got: “Şer bi xêra biryara Serokatî sekinî ne bi xêra dewletê.”
*Aktivîsta TJAyê Sebahat Tûncel li ser pêvajoya ‘Aştî û Civaka Demokratîk’ anî ziman ku her çend bêdengbûna çekan û vekirina rêya siyasetê ji bo aştiyê gaveke girîng be jî, dabînkirina aştiya esasî dê bi mîsogerkirina azadiya gelê Kurd gengaz bibe.
*Gundê Eyntirtê yê navçeya Gêlê ya Amedê ku 400 mal lê hene bi dîroka xwe ya kevnar û Çemê Dîcleyê tê naskirin. Debara gund li ser cotkarî û sewalkariyê ye. Lê ji ber pirsgirêkên abaoriyê welatî di kar û xebatên xwe de zehmetiyê dikişînin. Ji ber vê rewşa heyî ciwanên gund ji bo debarê diçin derveyî bajêr. Zehmetiyên çandinî û sewalkariyê pirin û bihabûna tiştan jî dibe sedem ku gundî nikaribin karê xwe bikin. Yek ji şêniyê gund Veysî Dogan da zanîn ku ciwan ji ber debarê diçin derveyî bajêr û bang li rayedaran kir ku rayedar ji bo cotkarî û sêwalkarî neqede alîkariya wan bikin.
*Şaredariya Bajarê Mezin a Amedê, di bin banê Midûriyeta Şaxa Parastin û Pêşvebirina Ziman de ‘Komxebata Termên Şaredariyê’ li dar xist û pisporên ziman û akademîsyen hatin cem hev, bi pîvaneke navxweyî hewl dan standartekê ava bikin. Beşdarên komxebatê diyar kirin ku dê ev termînolojî ji bo hemû şaredariyan bibe rêber û ji bo siberojê rêya statûye vebike.
*Ji bo Helbestvan Ahmet Tellî ku jiyana xwe ji dest da dê ji aliyê hezkiriyên wî ve li avahiya TMMOBê ya navçeya Çankayayê merasîmeke bê lidarxistin û piştrê jî li goristana Karşiyakayê bê definkirin. (11.00)
*Gundê Malê Sala ya Erganiyê, li dijî projeya Santrala Enerjiya Rojê (GES) dê daxuyanî bidin.(12.00)
*Meclisa Ciwanan a DEM Partiyê dê têkildarî rewşa Rêberê Gelê Kurd Abdullah Ocalan li Taxa Ben û Senê ya navçeya Bajarê Nû ya Amedê daxuyaniyê bidin û du re meşekê li dar bixin. (18.00)
