* Bîranîna şehîdên Tevgera Azadiyê yên Amedê di roja sêyemîn de didome. Kesên ku tev li merasîma bîranînê bûne hestên xwe ji ajansa me re parve kirin û wiha gotin: “Ji bo ku aştiyeke mayînde ava bibe divê hemû alî bi berpirsiyarî nêzî pêvajoyê bibin.”
* Endama Koordînasyona KJKê Besê Erzîncan diyar kir ku heqîqeta civak, jiyan û azadiyê rasterast bi femkirina heqîqeta jinê ve girêdayî ye. Erzîncan anî ziman ku felsefeya Jin Jiyan Azadî formuleke gerdûnî ya rizgarî û avakirina jiyana nû ye û wiha got: “Têgeha xwebûnê bingeha xeta azadiya jinê ye. Şoreşek ku jin tê de neyê azadkirin, nikare civakê azad bike. Jiyana komînal û avakirina civaka demokratîk bêyî vîn û tevlîbûna jinê nayê fikirîn. Têkoşîna navxweyî û paqijbûna ji bandorên pergala serdest ji bo her alîgirê azadiyê pêdiviyeke teqez e.”
* Jinên Wanî yên serdana bîranîna şehîdên Tevgera Azadiya Kurdistanê kirine, bal kişandin ser têkoşîna şehîdan û dan zanîn ku şehîd ji bo maf û azadiya gelê xwe çûne serê çiyayan, ne ji bo berjewandiya xwe.
* Hevserokê Giştî yê SESê Siddik Akin diyar kir ku ji bo xizmeta tenduristiyê ya herî girîng mafê zimanê dayike ye û wiha got: “Daxwaza xizmetên tendirustiyê ya bi zimanê dayikê, mafekî jiyanî ye. Divê ji bo pisgirêkên tendûristiyê rêxistinên hêremî çareseriyên xwe ava bikin.”
* Berdevkê Dîplomasiyê yê PJAKê Zagros Enderyarî bi lêv kir ku ji destpêke heta niha tekiliya Amerîka û Îsraîlê bi hezên Kurd re ne di cihê baweriyê de ye û got: “Ji ber wê jî heta temînatek nebe hezên Kurd nikarin bikevin nava şer. Lê heta niha tu temînat nehatiye dayin.”
* Bi pêşengtiya MEBYA-DERê ve bîranîna şehîdên Tevgera Azadiya Kurdistanê li bajar-navçeyên Amed, Wan, Dîlok, Mûş, Mêrsîn, Sêrt, Şirnex, Riha, Edene, Hatay, Bursa, Stenbol, Tekirdag, Kocaeliyê bidomin. (09.00 – 18.00)
* Koma 1001 Îmzayan ji bo Komara Demokratîk û Aştiyê dê li avahiya Navenda Çandê ya Eyup Sûltanê daxuyaniya çapemeniyê li dar bixe. (11:00)
* Çalakiya Xizmên Windayan û Şaxên ÎHDê yên Amed, Êlih, Riha, Colemêr û Îzmîrê ya “Bila winda bên dîtin kujer bên darizandin” bidomin. (12:00-13:00)
* Înîsîyatîfa Kedkarên Zanistî û Perwerdeya ji bo Mirovahî û Jiyanê ya Îzmîrê ji bo balê bikişîne ser mafê perwerdeya bi zimanê zikmakî dê li avahiya ÎHDê daxuyanî bide. (13:30)
* Însiyatîfa ji Girtiyên Nexweş re Azadî dê li kolana Sakarya ya navçeya Çankaya ya Enqereyê ji bo berdana girtiyên nexweş daxuyaniyê bide. (13:30)
* Bi pêşengtiya Komeleya 78an û TUHAY-DERa Amedê dê bi boneya salvegera Darbeya 12ê Îlonê li ber Zindana Amedê ya li navçeya Rezan a Amedê daxuyanî bê dayîn. (17:00)
