* Ji rêveberên Tevgera Azadiyê Xebat Andok di hejmara 8emîn a Kovara Ozgur Halkê de bi gotara xwe ya bi sernavê “Li Welatê Hevpar Sosyalîzma Neteweya Demokratîk û Aqilê Kurd ê Azad” felsefeya neteweya demokratîk, cewherê sosyalîzmê û veguhertina feraseta civakî bi kûranî dinirxîne. Andok di nivîsa xwe de destnîşan dike ku avakirina jiyana azad tenê bi derbasbûna ji hişmendiya netewe-dewletê û pêşxistina aqilê azad ê Kurd pêkan e.
* Dayik, xizm û kesên li Îzmîrê tev li bîranînên şehîdên Tevgera Azadiyê ya Kurdistanê bûne diyar kirin ku ji bo çareseriyeke demokratîk û aştiyeke bi rûmet divê daxwazên şehîdan neyên jibîrkirin.
* Sekreterê Giştî yê Egîtîm-Senê Zulkuf Guneş diyar kir ku di serdema nû ya perwerdehiyê de dê gelek zarok ji perwerdehiya zimanê dayikê bêpar bimînin û got: “Mafê perwerdehiya bi zimanê dayikê mafêkî bingehîn e. Divê ji dibîstanên seretayî heta zangîngehan perwerdehiya bi zimanê dayikê bê dayîn.”
* Zimanzan Zana Farqînî bertek nîşanî hedefgirtina zimanê Kurdî û tabelayên bi Kurdî da û ev tişt gotin: “Ev ji xwe mafekî bidestxistî yê vî gelî ye. Ev ne helwestek mirovî ye, ne jî demokratîk e. Ew kesên ku dibêjin em xwişk û birayê hev in, divê rêz li heqê xwişk û biratiyê bigirin.”
* Malbatên şehîdan û welatiyên tev li bîranînên li Sêrtê bûne xwestin aştî pêk were û gotin: “Heta em Serok di nava xwe de nebînin, ne azadiya me heye û ne jî dilê me rehet e.”
Bîranînên Şehîdên Tevgera Azadiyê dê li bajar-navçeyên Amed, Wan, Şirnex, Bêdlîs, Erzirom, Qers, Agirî, Mûş, Sêrt, Dîlok, Riha, Edene, Mêrsîn, Hatay û Stenbolê bidomin. (09:00-18:00)
