* Endamê Akademiya Zanistên Civakî Duran Kalkan di hejmara 8emîn a Kovara Ozgur Halkê de bi gotara xwe ya bi sernavê “Di Jiyan û Xebatê de Komînalbûyîn” felsefe, wate û pratîka jiyana komûnal di çarçoveya Paradîgmaya Civaka Demokratîk, Ekolojîk û Azadîxaziya Jinan de bi berfirehî dinirxîne. Kalkan di nivîsa xwe de destnîşan dike ku komînalîte ne tenê şêwazekî rêxistinbûnê ye, di heman demê de cewherê hebûn û azadiya mirovatiyê ye.
* Endam û mamosteyên Kooperatîfa ANKAyê bal kişandin ser xebatên kooperatîfê û gotin: “Em bi şert û mercên teng û bi derfetên biçûk hewl didin ku li dijî bişaftinê bibin pêlekî serkeftina zimanê Kurdî.”
* Dayik û xwişkên şehîdan ên ku tev li bîranîna şehîdên li Êlihê bûn anî ziman ku divê êdî kesên heta niha bê deng mabin, divê êdî ew jî dengê xwe derbixin û li nirxên xwe bibin xwedî û wiha gotin: “Em naxwazin ne leşker ne polîs û ne jîgerîla bên kuştin. Em hêvî dikin êdî ev ên dawî bin.”
* TEV-KOM pêşbirka çîrok û helbestên Kurdî li dar dixe. Endamê TEV-KOMê Omer Bayraktar derbarê pêşbirkê de diyar kir ku ciwan dikarin bi zaravayên Kirmanckî û Kurmanciyê serlêdan bikin û got: “Em dixwazin afirandina Kurdî zêdetir bikin. Ev pêşbirk jî ji bo zimanê Kurdî bandorekî bike. Bila tevahî ciwan bila berhemên xwe ji me re bişînin. Her keda ji bo zimanê Kurdî tê dayîn gelek girîng e. Em li benda tevlibûna ciwanan e.”
* Ji bo şehîdên Tevgera Azadiyê dê li Eywana Dawetê ya Geterlerê ya li navçeya Rezana Amedê û li Sêrtê bernameyên bîranînê dest pê bikin. (08:00-18:00)
* Wê ji bo şehîdên Tevgera Azadiya Kurdistanê dê li taxa Karşiyaka ya navçeya Rêya Armûşê, li taxa Çelebîbag a navçeya Erdîşê, li taxa Cumhuriyetê ya navçeya Qelqeliyê û gelek gundên navçeya Ebexê yên Wanê bîranîn bên lidarxistin. (09:00-18:00)
* Biranînên şehîdên Tevgera Azadiya Kurdistanê yên li Tetwan, Panos, Bazîd, Qereyazi, Qereçoban, Tatos, Xinûs û Qersê tên lidarxistin dê di roja duyemîn de berdewam bike. (09:00-18:00)
* Bîranîna şehîdên Tevgera Azadiya Kurdistanê ya li Îdirê, Batmanê û Îzmîrê dê di roja 3yemîn de berdewam bike. (09:00-18:00)
* Ji bo bîranîna cangoriyên têkoşîna azadiyê dê li navçeya Şahînbeyê ya Dîlokê li Tesîsa Firatê ya li taxa Firatê bernameya bîranînê were lidarxistin. (09:00-17:00)
