*Hevserokê DBPê ya Amedê Ahmet Dogan destnîşan kir ku di 1ê Îlonê de dê ji bo civakeke demokratîk û ji bo azadiya fizikî ya Rêberê Gelê Kurd Abdullah Ocalan û hemû girtiyên di zindanê de ne, bimeşin.
*Hevserokê Giştî ya DADê Zeynel Kete anî ziman ku ew dixwazin di bin banê kordînasyona ku Meclîsê bê avakirin de bi cih bigrin û wiha got: “Em wek beşekî civaka demokratîk dixwazin tev li avakirina Komara Demokratîk bibin.”
*Bi pêşengtiya MEBYA-DERê li Stenbolê navçeyên Maltape, Esenyûrt, Fatîh, Sûltanbeylî û Baxcilarê ji bo şehîdên têkoşîna azadiyê dê bernameya bîranînê werin lidarxistin. (12.00-17.00)
*Dê li ber Şaredariya Bajarê Mezin a Amedê ji bo Mehdî Zana bernameya bîranînê bê lidarxistin û piştî nimêja li Mizgefta Mezin Mehdî Zana li goristana Yenîkoyê were definkirin. (11:00/15:00)
*Bi tevlibûna Hevseroka Giştî ya DEM Partiyê Tulay Hatîmogûllari dê li Navenda Kongreyan a Tepekûleyê ya li navçeya Bayrakliya Îzmîrê civîna gel bê lidarxistin. (14.00)
*MEBYA-DERa Amedê dê serdana şîna Hamît Gulcan (Brûsk) ya li mala şînê ya Alîpinarê a navçeya Rezanê hatiye danîn, bike. (15:00)
*Înisîyatifa Pêdiviya Min bi Aştiyê Heye ya Jinan dê li Çand Amedê daxuyaniya çapemeniyê li dar bixe. (16:00)
*Li navçeya Tûrgûtlû ya Manîsayê dê ji bo bîranîna şehîd Hamdiye Komurcu li mala şînê mewlûd bê dayîn. (17.00)
Kirmanckî
*Mehmet Halih dewa Dêrsimî Qurqurîkî (Aktarla) ra yo û ewladê ocaxa Bamasuran o. Dewa xo de hinganê himgimênî keno weye la tecrubeye kal û pîranê xo yê hingimênî zî xo vîrî ra nêkerdo û ci ra feyde gêno.
*Derheqê cu û têkoşînê Yado û Têlî Xanime de tarîxnas Dr. Îsmet Konakî Arşîvê Komare de çend belgeyî peyda kerdî û vat: “Yado, Têlî Xanim û hîrê embazê ci bi destê leşkeranê tirkan pîya ameyî qirkerdene”
