Rêya M4 a di navbera Cizîr û Helebê ya li rojavayê Til Temirê de bi beşdariya fermandarên Hêzên Ewlekariya Hundirîn ji nû ve hat vekirin.
Di çarçoveya bicihanîna bendên peymana 29ê Çileyê ya navbera HSD û hikûmeta demkî ya Sûriyeyê de, rêya M4 ya di navbera Cizîr û Helebê ya li derdora Til Temirê ji nû ve hat vekirin û tedbîrên ewlehiyê yên nû hatin girtin.
Li gorî nûçeya ANHAyê di tedbîrên hatine girtin de rêya M4 ji nû ve hat vekirin. Di vekirinê de fermandarên Hêzên Ewlekariya Hundirîn ên ji herêmên Cizîr û Helebê, nemaze amadebûna Cîgirê Fermandariya Ewlekariya Hundirîn a Hesekê Mehmûd Xelîl amade bû.
Hemwextî wê ji nû ve hejmarek bendên ewlehiyê li gel gundê Tewîla yê li gundewarê rojavayê Til Temirê hatin danîn.
Rêya M4 ji rêyên stratejîk ên herî girîng li bakurê Sûriyeyê ye, hejmarek bajarên sereke bi hev ve girê dide, ji wan jî bajarên Hesekê, Reqa, Kobanê, Minbic heta bi Helebê. Ev rê ji bo veguhastina sivîlan û kel-pelan di navbera herêmên Bakur û Rojhilatê Sûriyeyê û herêmên din ên welat de tê bikaranîn.
