Berdevka DEM Partiyê Ayşegul Dogan têkildarî rewşa Sirri Sureyya Onder anî ziman ku rewş stabîl e û got: Ev yek başbûnê xuya dike û hêviyê dide me. Em bi bawerin wê Sirri Sureyya Onder vê rewşê derbas bike û aştiyê bibîne.”
Endamê Şandeya DEM Partiyê ya Îmraliyê û Serokwekîlê Meclisê Sirri Sureyya Onder ku li Nexweşxaneya Florence Nightingale ya li navçeya Şîşliya Stenbolê tedawiya wî didome û rewşa wî ya krîtîk jî berdewam dike. Berdevka DEM Partiyê têkildarî rewşa Sirri Sureyya Onder li ber nexweşxaneyê daxuyanî da.
Ayşegul Doğan di daxuyaniyê de wiha got: “Têkoşîna jiyanî dide. Li ber xwe dide. Pêvajoya nexweşxaneyê weke ku bijîşk jî dibêjin pêveşoyeke demdirêj e. Piştgiriyeke mezin û xwedî derketineke mezin heye. Sirri Sureyya Onder di vê rewşe de jî hemû kesî tîne ba hev. Heta niha geşedaneke nû û di rewşa wî de guherînek tune ye. Em ji niha şûn ve li avahiya partiya xwe ya li Stenbolê mazûvaniya serdana mêvanên xwe dikin. Em ê jî li vir rewşê bişopînin. Em spasiyên xwe ji kesên dilê wan li vir e re dikin. Em jî li vir bi hêvî li bendê ne. Rewş stabîl e. Stabîlîzasyon girîng e. Ev yek jî hêviyê dide me. Em bi bawerin Sirri Sureyya Onder wê vê rewşê jî derbas bike û aştiyê bibîne. Em spasiyên xwe pêşkeşî hemû kesên ku dilê wan li vir e dikin.”
