Rejîma Îranê roja sêşemê 11 kesên bi sedemên cuda bi îdamê hatine tawanbarkirin daliqandin. Bi van kesan hejmara kesên di salekê de hatine daliqandin deket hezar 594an.
Ajansa Berevaniya Mafên Mirovan (HRANA) têkildarî îdamên li Îranê berdewam dike daxuyaniyek weşand. Di daxuyaniyê de hate diyarkirin ku rejîmê di 17ê Mehê roja çarşebê 11 kesên li girtîgehên cuda yên Îranê dimînin, îdam kiriye. Di nûçeyê de hate daxuyandin ku kesên bi sedema sûcê cuda bi îdamê hatine tawanbarkirin, li berbanga sibê hatine daliqandin.
Xeber nade malbatan
HRANA daxuyand ku Îranê êdî bêyî xeber bide malbatan îdaman bi cih tîne û bang li hemû rêxistinên mafên mirovan û raya navneteweyî kir ku li hemberî vê rewşê bi hîstiyarbin û deng debixin.
Navên kesên hatine daligandin û cihê lê hatine daliqandin wiha ye: Faramarz Papî li Zindana Şarêkordê, Karamxoda Yarî li Zindana Sabzevarê, Osman Ahmadî li Zindana Mahabadê,
Ebrahîm Azîzî li Zindana Malayerê, Yarvalî Azîmî li Zindana Kaşmarê, Sajjad Farahmand li Zindana Çabaharê, Mehirşad Asgarî li Zindana Damxanê, Mohammad Boghilanî li Zindana Buşehirê, Parvîz Şabanî li Zindana Vakîlabadê, Riziyeh Abbasî jî li Zindana Xezel Hesarê hatin darvekirin.
Ji serê salê heta niha hezar 594 kes hatin daliqandin
Di daxuyaniyê de hate diyarkirin ku ji serê sala 2025an heta niha hezar 594 kes hatine daliqanin. Ajansê ragihand ku hejmara daliqandiyan her ku diçe zêde dibe û di salek dawiyê de ev hejmar li gorî salên çûyî di astek pir mezin de bilind bû.
