Kampanya ‘Sêşema na ji darvekirinê re’ diyar kir ku di nava mehekê de Rejîma Îranê 311 kes darve kirine.
Kampanyaya ‘Sêşema na ji darvekirinên re’ li Îranê li dijî pêkanîn cezayên darvekirinê hatibû destpêkirin di hefteya 96an de bi beşdariya Girtîgeha Navend a Bîrjend didome. Kampanyaya ku li 54 girtîgehan didome ragihand ku di mehekê de li girtîgehên Îranê 311 kes hatine darvekirin. Ev hejmar ji komkujiyên komî yên sala 1988an û vir ve mînaka wê tune ye. Ji hefteya borî heta niha jî 59 kes hatine darvekirin.
Di mehekê de 311 kes hatin darvekirin
Tenê di meha Mijdarê de 311 kes hatine darvekirin. Ev yek ji komkujiya 1988an ve wek wê nehatiye dîtin. Di heman demê de ji hefteya bûrî heta niha 59 kes hatine darvekirin û ji destpêka 2025an heta niha bi giştî hezar û 479 kes hatin darvekirin.
Malbatên girtiyan tevî gef, bangîkirin, binçavkirin û zextên ewlehiyê her hefte dadikevin qadan û parastina jiyana heskiriyên xwe dikin. Ev protesto pêwîstî bi desteka berfireh a gel û civaka navnetewî heye.
55 girtîgehên ku beşdarî kampanyayê bûne, ev in:
Girtîgeha Evîn (qawişên jin û mêr), Girtîgeha Gezelhasar (beşa 2,3,4), Girtîgeha Navend Kerac, Girtîgeha Ferdîs a Kerac, Girtîgeha mezin a Tahran, Girtîgeha Qerçek, Girtîgeha Hurîn-Varamîn, Girtîgeha Aher, Girtîgeha Erak, Girtîgeha Kum Lengerud, Girtîgeha Hurremabad, Girtîgeha Burucerd, Girtîgeha Yasuc, Girtîgeha Esedabad a Esfehan, Girtîgeha Dastgerd a Esfehan, Girtîgeha Şîban a Ahvaz, Girtîgeha Sepîdar a Ahvaz (qawîşên jin û mêr), Girtîgeha Nazam Şîraz, Girtîgeha Adilabad a Şîraz (qawîşên jin û mêr), Girtîgeha Fars- Fîruzabad, Girtîgeha Dehdeşt, Girtîgeha Zahîdan (qawîşên jin û mêr), Girtîgeha Beazcan, Girtîgeha Ramehormoz, Girtîgeha Beheban, Girtîgeha Bem, Girtîgeha Yezd, Girtîgeha Kehnûcê, Girtîgeha Tebas, Girtîgeha Meşhed, Girtîgeha Sebzewer, Girtîgeha Gonbad-Kavoos, Girtîgeha Qaimşehr, Girtîgeha Reşt (qawîşên jin û mêr), Girtîgeha Rudsar, Girtîgeha Hewîq Taleş, Girtîgeha Azbaram a Lahîcanê, Girtîgeha Dieselabad a Kirmaşanê, Girtîgeha Erdebîl, Girtîgeha Tebrîzê, Girtîgeha Urmiyê, Girtîgeha Salmas, Girtîgeha Xoyê, Girtîgeha Neqede, Girtîgeha Miandoab, Girtîgeha Mehabad, Girtîgeha Bûkan, Girtîgeha Seqez, Girtîgeha Bane, Girtîgeha Kamêranê, Girtîgeha Merîwan, Girtîgeha Sine, Girtîgeha Îlam û Girtîgeha Navend a Bîrjend.”
