PJAK li ser têkildarî desteserkirin, êşkencedan û windakirina endamê xwe yê bi navê Sîrwan Hebîbî ya ji aliyê rejîma Îranê ve li bajarê Kamyaran anî ziman ku endamê wan piştî êşkencekirin hatiye windakirin, çarenûsa wî nayê zanîn û berpirs desthilat e.
Partiya Jiyana Azad a Kurdistanê (PJAK) têkildarî desteserkirin, êşkencedan û windakirina endameke xwe yê bi navê Sîrwan Hebîbî ku di 9ê Îlona 2026an de ji aliyê hêzên Îranê ve li Kamyaran a Rojhilatê Kurdistanê hatibû girtin, daxuyaniyek da.
Daxuyanî bi vî rengî ye:
Roja Çarşemê 9ê Îlona 2026an li bajarê Kamyaran a Rojhilatê Kurdistanê, di encama plansaziyeke pêşwext û dikemîna hêzên ewlehiyê û rejîma Wezareta Îtlaata Komara Îslamî ya Îranê de, hevrê û endamê partiya me Sîrwan Habîbî bi awayekî pir hovane, nemirovî û berevajî hemû pîvanên navneteweyî êrişî wî tê kirin bi êşkence û lêdanê tê girtin.
Piştî Hebîbî tê binçavkirin raste rast tê revandina cihekî nediyar û tevî derbasbûna demê, heta niha derbarê rewşa tenduristiya wî yan jî cihê girtina wî de tu agahî nehatine bidestxistin. Dema hevrêyê me Sîrwan Hebîbî tê binçavkirin di destê wî de ti çek û amûreke din nebûye, tenê ji bo pêkanîna erka xwe û karê rêxistinî serdana bajarê Kamyaran kiribû.
Têkildarî xetereyên cidî yên li ser rewşa Hevrê Sîrwan Habîbî, em daxwaz ji gelê Rojhilatê Kurdistanê, hemû azadîxwaz, çalakvanên sivîl, rêxistinên mafên mirovan ên li Îran û cîhanê dikin ku bi awayekî hestiyar, lezgîn û bi bandor li pey çarenûsa wî bigerin û li hemberî vê xwedî helwest bin.
Ji jiyan û tenduristiya endamê me Sîrwan Hebîbî desthilata Komara Îslamî bi temamî berpirs e.”
