Amed – Parêzerê Nevzat Bahtiyar ku di doza qetilkirina Narîn Guranê de ceza lê hatibû birîn, Alî Eryilmaz ragihand ku xwe ji dosyayê vekişandiye.
Zaroka 8 salî Narîn Guran, di 21ê Tebaxa 2024an de li gundê Çulî yê navçeya Rezanê ya Amedê winda bû û cenazeyê wê di 8ê Îlonê de li rûbarê gund hate dîtin. Di doza qetilkirina Narîn Guranê de cezayê hefsê li cîranê malbata Guranê Nevzat Bahtiyar hate birîn. Parêzerê Bahtiyar, Alî Eryilmaz ragihand ku xwe ji dosyayê vekişandiye.
Eryilmaz, li ser hesabê xwe ya medyaya dijîtal ragihand ku piştî di dozê de biryar hate dayin, hempîşeyê wî ku bi hev re pêvajoya dozê dişopand “dev ji parastina heqîqetê berdaye” û kampanyayên lînçkirinê yên li dijî wî birêxistin kiriye.
Bi domdarî Eryilmaz, ragihand ku qeydekî deng a tê îdiakirin aydê heman parêzerî ku digot “Narîn ji hêla Nevzat ve hatiye kuştin” êdî bo wî bûye noqteya dawî û got: “Tevî van qewimînan jî miwekîlê min û malbata wî li dijî vê xiyanetê xwe bêdeng kir û ez bi tenê hiştim…” Eryilmaz got ku bi van sedeman xwe ji dozê vekişandiye.
