Arîf Guran ji bo keça xwe Narîn Guran a ku li gundê Çûliyê ya ser bi navçeya Rezana Amedê ve hatibû kuştin, ji Amedê ber bi Enqereyê ve “Meşa Edaletê” da destpêkirin.
Bavê Narîn Guranê, Arîf Guran ku di 21ê Tebaxa 2024an de li gundê Çûliyê ya ser bi navçeya Rezana Amedê ve winda bû û piştî windabûnê 19 rojan an ku di 8ê Îlonê de cenazeyê wê li Çemê Egertutmaz yê kîlometreyek û nîv ji gund dûr bû hat dîtin. Arîf Guran ji bo zelalkirina bûyerê ji Amedê ber bi Enqereyê ve “Meşa Edaletê” da destpêkirin.
Beriya meşê parêzerê malbata Guran Onûr Akdag axivî. Onûr Akdag behsa pêvajoya darazê kir û diyar kir ku biryara ku Dadgeha Herêmî, Dadgeha Îstinafê û Dadgeha Bilind bi zextê daye, civak qaneh nekiriye û biryareke lezgîn hatiye dayîn.
Onûr Akdag bi lêv kir ku Arîf Guran jî li dijî vê yekê biryara lidarxistina “Meşa Edaletê” daye û bi lêv kir ku armanca sereke ya meşa Arîf Guran ew e ku dengê xwe bigihîne Serokkomar Recep Tayyîp Erdogan. Onûr Akdag wiha got: “Ji ber vê em têkoşîna edaletê didin destpêkirin.”
Arîf Guran jî bal kişand ser têkoşîna xwe ya edaletê ya 2 salan û got: “Em bang li kesên xwedî wîjdan dikin. Tekane sedema vê meşa min, ji bo mafên keça min e, ji bo heqîqetê ye.” Arîf Guran destnîşan kir ku ew jinûvedarizandinê dixwazin.
Piştî daxuyaniyê Arîf Guran ji Amedê ber bi Enqereyê ve dest bi meşê kir.
