Nobeta Edaletê ya ji bo 4 kedkarên ji ber ku tev li çalakiyên ji bo Rojava bûne ji kar hatine dûrxistin berdewam dike.
Nobeta Edaletê ya Hevserokê Şaxa Egîtîm Senê yê Şirnexê Adnan Şenbayram, Rêveberê Egîtîm Senê yê Şirnex Mesût Aslan, Rêveberê Nûnertiya Egîtîm Senê yê Cizîrê Nîzam Kaplam û Rêveberê Şaxa SESê yê Şirnexê Abdêlkadîr Oruker ku ji ber tev li şînê û çalakiyên ji bo êrîşên li ser Rojava pêkhatine bûne ji kar hatibûn dûrxistin di hefteya 2yemîn de li Qada Koberdewam dike. Endamên saziyên civakî yên Şirnex, Sêrt û Êlihê, endam û rêveberên partiyên siyasî tev li çalakiyê bûn û piştgirî dan nobeta kedkaran.
Di çalakiyê de Hevserokê Şaxa Egîtîm Senê ya Êlihê Ramazan Bîlmez got ku hevalên wan li hember êrîşên li ser civakê dengê xwe derxistine û ji ber vê yekê ji kar hatine dûrxistin. Ramazan Bîlmez diyar kir ku di çanda Kurdan de çûna şînê heye û ev yek nabe ku weke sûc bê nîşandan û heya dawiyê ew ê piştgiriyê bidin çalakiya hevalên xwe.
Hevserokê Şaxa Egîtîm Senê ya Sêrtê Selahattîn Talû jî da zanîn ku heya edalet, aştî û wekhevî pêk neyê tu kes nikare bigihêje aramiyê û got ku heya hevalên wan cardin biçin ser karê xwe ew ê li ser piyan bin.
Nobeta Edaletê bi axaftinên kesên tev li çalakiyê bûne berdewam kir.
