Medyaya Îranê ragihand ku du fermandarên leşkerî yên Îranê hatine kuştin. Artêşa Îsraîlê daxuyand ku fermandarê Hizbullahê Îbrahîm Mihemed Xezalî hat kuştin.
Televîzyona fermî ya Îranê ragihand ku Fermandarê Kerta 171ê ya ser bi Hêzên Besic ya Tehranê Mihemed Serlek û Fermandarê Hêzên Deryaî Artêşa Pasdaran Xulamreza Mihemed Zade li Bendera Ebas hatine kuştin.
Li aliyê din hate ragihandin ku Artêşa Pasdaran a Îranê aşkera kir ku cara yekem moşeka bi navê ‘Secîl’ li dijî dijminê xwe bikar aniye ku menzîla wê 2000 heta 2500 kêlometre dikare biçe û leza wê zêdetirî 17 hezar kêlometreye.
Artêşa Îsraîlê: Fermadarekî Hizbullahê hat kuştin
Berdevkê artêşa Îsraîlê Avichai Adraee bi rêya postekê li ser platforma Xê got ku di êrişa artêşê ya li dijî avahiyeke leşkerî ya Hizbullahê de berpirsê tîma çekan a beşa taybet di yekîneya Bedir a girêdayî Hizbullahê de Îbrahîm Mihemed Xezalî hat kuştin.
Avichai Adraee da zanîn ku Îbrahîm birayê Eyman Mihemed Xezalî yê ku pêncşema borî êrişek li dijî dêra cihûyan a li DYAyê pêk aniye, ye.
Wezareta Ewlekariya Navxweyî ya Dewletên Yekbûyî yên Amerîkayê (DYA) ragihandibû ku Eyman Xezalî yê 41 salî, bi erebeyke bombebarkirî êrişî dêreke Îsraîlê ya li West Bloomfield, nêzîkî Detroitê, kir û piştire şewitî. FBIˊyê ew wekî “kiryareke tundûtûjiya armanckirî li dijî civaka Cihûyan” bi nav kir.
