Lûtkeya 36emîn a NATOyê di roja 2yemîn de li Qesra Serokkomariyê ya Tirkiyeyê didome. Lûtke dê bi daxuyaniyên serokên dewletan were birêvebirin.
Lûtkeya 36emîn a NATOyê di roja 2yemîn de li Qasra Serokkomariyê ya Tirkiyeyê ya li navçeya Yenimahalle ya Enqereyê didome. Roja 2yemîn a Lûtkeyê dê bi daxuyaniyên Sekreterê Giştî yê NATOyê Mark Rutte û serokên dewlet û hukumetên mutefîk ve were birêvebirin. Piştre jî Serokkkomar Tayîp Erdogan dê bi Mark Rutte ve serokên dewletan re hevdîtin bike. Paşê jî dê serokên hikûmet û dewletên Konseya Bakurê Atlantîkê bicivin. Di saet 15:00an de jî Sekreterê Giştî yê NATOyê Mark Rutte dê daxuyaniyê bide.
Her wiha tê payîn di lûtkeyê de di navbera serokên dewletan de jî hevdîtin û dan û standin pêk werin.
Her der hatiye girtin
Li aliyê din ji ber Lûtkeya NATOyê der û dora Qesra Serokkomariyê û hemû rêyên diçin ber qesrê ji aliyê polîsan û tîmên taybet ve hatine girtin. Ev du sê roj in li Enqereyê manzarayek wek rewşa awarte tê dîtin.
