NAVENDA NÛÇEYAN – Di nava 24 saetên dawî de li Xezeya di bin dorpêça Îsraîlê de ye, 3 kes ji birçînan jiyana xwe ji dest dan.
Hejmara kesên li Xezeyê ji birçînan jiyana xwe ji dest didin her ku diçe zêdetir dibe. Di nava 24 saetên dawî de 3 kesên din ji birçînan jiyana xwe ji dest dan û bi vê yekê re hejmara kesên ji birçînan jiyana xwe ji dest dane derket 266’an. Ev dane mixabin xwe dispêrin agahiyên fermî. Dibe ku ev hejmar zêdetir jî be. Midûrê Giştî yê Wezareta Tenduristiyê ya li Xezeyê Munir el-Burş, têkildarî kesên ji birçînan jiyana xwe ji dest dane agahî da.
Burş, got ku hejmara kesên li Xezeyê di bin dorpêç û êrişên Îsraîlê de ji birçînan jiyana xwe ji dest didin zêde dibe û got: “Di nava 24 saetên dawî de 3 Filîstiniyên din ji ber birçîtî û kêmxwarinê jiyana xwe ji dest dan.”
Burş, got ku ji 7ê Cotmeha 2023yan heta niha li Xezeyê 112 jê zarok bi giştî 266 kesan ji birçînan jiyana xwe ji dest dane.
