UNICEFê di daxuyaniyekê de bal kişand ser kuştina zarokên Zivala Xezayê û Şerîaya Rojava û diyar kir ku divê ev yek wekî ‘rastiyek nû’ yan jî bûyerek normal neyê hesibandin.
Ji ber berdewamkirina şer li Xeza û Zîvala Xezayê rewşa zarokan her diçe girantir dibe. Zarok ku ji berê vê di gihiştina stargeh, lênihêrîna tenduristiyê û xizmetên bingehîn de bi pirsgirêkên cidî re rû bi rû ne, bi xetereyên ewlehiyê yên zêde û trawmayên psîkolojîk re jî rû bi rû ne.
Derheqê mijarê de Rêvebirê Fona Zarokan a Neteweyên Yekbûyî (UNICEF) yên Rojhilata Navîn û Bakurê Afrîkayê daxuyaniyek belav kir û ragihand ku di dawiya hefteyê de li Zîvala Xezayê di pênc bûyerên cuda de 8 zarok mirine û 17 jî birîndar bûne û diyar kir ku li Zivala Xezayê, pitikek heft mehî piştî ku ji ber guleyên hêzên Îsraîlê birîndar bibû jî li Hebronê miriye.
Di daxuyaniyê de hat gotin ku zarokên li Xezayê birîndar bûne dema ku futbolê dilîstin, ji ber êrîşeke li ser xizmên xwe bandor bûne û pitika li Şerîaya Rojava dema ku bi diya xwe re di otomobîlê de bûye, hatiye gulebarankirin.
Daxwaza lêpirsînê
Karbidestekî UNICEFê teqez kir ku hedefgirtina zarokan nayê qebûlkirin û daxwaza lêpirsînên zelal ên li ser bûyeran û hesabpirsîna kesên berpirsiyarê binpêkirina qanûnên navneteweyî kir.
Her wiha di daxuyaniyê de hat destnîşankirin ku parastina zarokan û pabendbûna bi qanûnên mirovî yên navneteweyî û rêzikên mafên mirovan re ji bo hemû aliyan erkên girîng in.
