Şaredariya Bajaroka Xalfeliyê ya Îdirê bi dirûşmeya “Jiyan bi xwendinê xweş e” di navbera 12-15ê Hezîranê de 1emîn Rojên Pirtûkan ên Xalfeliyê li dar dixe.
Şaredariya Bajaroka Xalfeliyê ya Îdirê bi boneya xwendina pirtûkan pêş bixe û pirtûkên weşanxaneyan bigîne xwîneran bi dirûşmeya “Jiyan bi xwendinê xweş e” di navbera 12-15ê Hezîranê de 1emîn Rojên Pirtûkan ên Xalfeliyê li dar dixe. Şaredarî dê 4 rojan li Parka Bajar (Kent Ormani) xizmeta pirtûkan bide gel.
Têkildarî amadekarikya Rojên Pirtûkan Hevşaredara Xalfeliyê Yildiz Tendîk Parîn agahî dan. Yildiz Tendîk, destnîşan kir ku ew di navbera 12-15ê Hezîranê de li bajaroka Xalfeliyê 1emîn Rojên Pirtûkan li dar dixin û wiha got: “Yemek car em xebateke wisa dikin. Dê 17 weşanxane bi pirtûkên xwe beşdarî vê Roja Pirtûkan bibin. Ji bo pêdiviyên xwediyên weşanxaneyan wekî şaredarî amadakariyên me didomin. Em hewl didin ku ji bo weşanxaneyên xwe mahzûvaniyeke baş bikin. Ji bo pêdiviyên wan ên mayîn, xwarin û vexwarinê amadekariyên me didomin.”
Şaredarî ji bo pêdiviyên weşangeran dixebite
Şaredariya Xalfeliyê ji bo her weşanxaneyekê dê 15 maseyan amade bike. Dîsa ji bo amadekariya pirtûkxaneyekê dê ji weşanxaneyan pirtûkan bistîne. Hevşaredar Yildiz Tendîk Parîn anî ziman ku ji bo weşanxane standên pirtûkên xwe dînin amadekariyên wan yên maseyan jî didomin û got: “Em ê wekî şaredarî ji her weşanxaneyekê bi buhayê 20 hezar tl pirtûkan bistînin. Em bi vê yekê hem dixwazin piştgiriyekê bidin weşanxaneyan. Hem jî em dixwazin ji bo siberojê binesaziyeke pirtûkxaneyê amade bikin. Em dixwazin di aliyê xwendina pirtûkan de xizmetekê bidin gelê xwe. Em dixwazin ciwanên xwe ji pirtûkan bêpar nehêlin.”
Dê belavokan belav bikin
Yildiz Tendîk da zanîn ku wan buroşurên xwe amade kirine û dê duşemê dest bi belav kirina buroşuran bikin û wiha got: “Em wekî şaredarî dê hemû pêdiviyên mayîn, xwarin û vexwarina weşangeran pêşwazî bikin. Dîsa ji bo xwîren biçin qada pêşengeha pirtûkan dê otobusên me bêheq xwiran bibe qada pêşengehê. Ji bo çûn û hatin hêsan be, dê ûn û hatin bê pere be. Em dixwazin piştevaniyekê bidin weşangeran. Niha pirtûkxaneya me tune. Em ê pirtûkan ji weşanxaneyan bistînin û amadekariya pirtûkxaneyek nû bikin. Niha li ser medya dijîtal, li ser xebatên rojên pirtûkan bang tê kirin. Em dixwazin saziyên sivîl û rêxistinên civakî jî piştgiriyê bidin vê pêşengê. Em ê bang li saziyên civakî, rêxistinên demokratîk bikin û em dixwazin ew jî tev li van rojan pirtûkan bibin.”
Eleqeya ciwanan zêde ye
Yildiz Tendîk, bibîr xist ku ji niha de ciwan pirsên “Dê kijan pirtûk bên? Dê kijan weşanxane beşdar bibe? pirtûkên em dixwazin hene an na? dipirsin û bi kelecanek mezin li benda Rojên Pirtûkan in. Ji bo çûn û hatin hêsan bibe dê otobusên şaredariyê xwîneran bê pere bibe û bîne. Dê çûn û hatina pêşengeha Rojên Pirtûkan bê pere be. Em dixwazin gelê xwe û pirtûkan bigînin hev.”
